Avdar

Azer Osî

Avdar û kul
avdar û xem
avdar û raperîn
avdar û şehîd
avdar û buhar
dîsa tû tê, û em bêriya te dikin
meha lê mayîna xwe dikin
û buhara şev û rojên te dikin.
te ji me distend û te dida
û me xwe li kêleka te didît
û bê dudilî navê te,
li ser zimanan tev dima

 tû tê,
mîna dilê min tû tê
mîna giyanê şehîdên meha xwe tû tê
mîna eşqa Nesrîna Mihemedê dil bi kul tû tê
û evîna Mem û zîna Cezîra dev li ken tû tê.
avdara min
wê ji bîr neçe yên Ezmanê te, tev toz kirin
û sitêrkên te gemar kirin
û zarokên rojê dil sar kirin
û hêviyên me li çar paytextan ser û binî hev kirin
û çemên te ji xwîna sê mihemedan sor kirin
û xwestin ala teyî rengîn,
bi reşgirêdana dayikên te pêşwaz bikin.
…………….
were
emê te
bi mûman rêzgar bikin
ji maçan roja te, serdest bikin
û li çiyan arê Newroza te dadin
û li deştan li ser destan te hilgirin
û  bi sitrana ( gula xwe nadim tû kesî, ez gula xwe nadim )
rêça te ronî bikin
û ji ava te hemû kulîlkan av bidin
û ji bayê te hemû neyaran kaş bikin.
……………..
ji bilî te wê kî van êşan vekolê
wê kî te, radestî kurdistan
bûka rojhilat bike.
………………..
tû me vexwendî nava tixûbên xwe dike
nava delavên xwe dike
wisa, bi me şêrîne navê te
li me halane heyva te
û em, yeke dengin  boyî te.
11.03. 2009