Baskên gotinan, baş di dilê min de zîl dane. Piştî deh caran ji xewndina namê mejiyê min li bin guhê hev diket.
Çavneriyê hêviya xwe li ser pişta hestan ava dikir. Ez û tu bi tenê ne, her yek li hundirê valahiya xwe a mezin, piyala meya evîndaran vedixwe.
Çavneriyê hêviya xwe li ser pişta hestan ava dikir. Ez û tu bi tenê ne, her yek li hundirê valahiya xwe a mezin, piyala meya evîndaran vedixwe.
Çivîk bi ser demê de zîvirî û got: Min ji azadiyê hez kir, min ji çavên reş hez kir û min ji kenê yezdanî hez kir, belê çibikim gava te ez basko kirim “azadî, ken û çav” hejmareke mezin ji pirsên matmayî li dora min civandin.
Ez çivîk im, hêlîna min hêkeke ciwan hembêz dike. Lê dilê min her û her hêlînan ava dike. Ez çivîk im, evîna min di rekehê de hilnayê. Cîhan, rekeh, derya û dêwên mezin tu caran bi evîna min nikarin.
Evîna min di tariyê de çêja çavên reş digihê û di roniyî de nameya dilê spî dixwîne.
Evîna min, bîranînên te wek mijmijokan di rastiyê de dimije. Dawiyê çivîk ji xweber mikurbûna dil eşkere dikin. Her du dil şerma xwe li ber lingê qederê davêjin. Çivîkên evîndar tev li rekeha bê ol xwe bi ser asîmanên baweriyê de berdan û çilka jînê gihandin peravên aşitiyê.
Hingê bûkê ji xatûniya xwe re du aso bi hev girêdan, bi maçkirin, nimêjkirin laleşkirin û dawiyê bê rev, bê tirs û bê pirs kes û kûs li çavan bicivin, nikarin evîna wan bikujin.
02/05/1997
Pêt
Ji bîr neke,
sosinên silava te a sibehîn,
di bihnkirina min de bûne jiyan.
Ji bîr neke,
dilê min bûye heng*
li kewara xewnên te digere.
Ji bîr neke,
çirîskên dengê min
her kêlîk,
perdeya guhê te ronî dikin.
Ez pêjina şevê me,
li ber serê te
nimêja evînê dikim.
Razê, razê
hêminiya xewa te na hingivînim.
Ji bîr neke,
pêta dil li koçka te
dikare temenekî roniyê bide.
01/05/2009
__________________
Heng: Mêşa hingiv.
Hin helbestên nû hatine belavkirin:
http://www.youtube.com/watch?v=PEoFM5vGusE
http://semakurd.net/kurdsema/index.php?news=918
Gotar:
Kurd 1, bi kurdî her tişt xweş e!
http://www.avestakurd.net/author_article_detail.php?article_id=514
Ji nivîsên ko hîn ne hatine belavkirin
Pencereyên Xelat Ehmed..! (Gotareke rexneyî)
