PYDKS-Yekîtî nameyek ji SPD wergirt

  Piştî ku şaxê navend û başûrê Elmanyayê yê Partiya Yekîtî ya demoqrat a Kurd li Sûriyê-Yekîtî- çalakiyek fireh bo helkeftina bîranîna 61an a roja ragihandina navnetewî ya mafên mirov, li dar xist û bang li raya giştî ya ewropî û navnetewî kir, da ku piştgiriya gelê Kurd li Sûriyê bê kirin, û herwiha peyamek protestoyê derbarê kuştina leşkerên Kurd di artêşa Sûriyê de di rewşine nepend de, ji desthiladarî û perlemanê elmanî re şand, nameyek ji nûnerê komika Patiya Sosyalîst a demoqrat a Elmanyayê SPD û berdevkê fermê yê mafên mirov û komîteya alîkariyên mirovane birêz Christoph Straesser wergirt. Ev e naveroka wê:

Ji komika SPD a perlemanê Elmanyayê
Bo birêz Silêman Hesen
Endamê şaxê navend û başûrê Elmanyayê yê Partiya Yekîtî ya demoqrat a Kurd li Sûriyê-Yekîtî-
Birêz Silêman Hesen
Gelekî spas ji bo nameya we, ya ku we di 14.12.2009an ji serokê komika SPD di perlemanê Elmanyayê birêz Frank-Walter Steinmeier re şand. Ewî jî nameya we ji min re guhast.
Arîşeyên Kurdan li Sûiyê ji min re diyar in. Komika SPD û komîteya mafên mirov û komîteya alîkariyên mirovane di perlemanê Elmanyayê de derbarê mafên mirov bi awayelî rêkûpêk civînan di dar dixin.
Em dê di dema pêş de rewşa mafên mirov a xerab û zor û herwiha ya Kurdên Sûriyê di riya daxwaznameyekê ji perleman re, girtûgo bikin.
Di gel rêz û silavan
Christoph Straesser
Nûnerê SPD û berdevkê mafên mirov û komîteya alîkariyên mirovane di perlemanê Elmanyayê de