MerwanBerekat
Qamîşlo…
Li şûna her dilopekê ji xwîna pakrewnên te, bi sedan kulîkên azadiyê dê werin
bişkuvandin, û bihna wan mîna hilma dêrîniya hebûnê wê di giyanê her Kurdekî de
biherike.
Li şûna her dilopekê ji xwîna pakrewnên te, bi sedan kulîkên azadiyê dê werin
bişkuvandin, û bihna wan mîna hilma dêrîniya hebûnê wê di giyanê her Kurdekî de
biherike.
Qamîşlo…
Çendî dilbikîn, kujerên jiyanê û hovên serdeman kîna xwe li ser dawa te birjînin,
û hewil bidin teniya mejiyê xwe di dêmên te yên spî bidin, lê pîroziya te bi
tariyê netê perspankirin… Belê tu ramûsana rojê yî… Tu yek ji xewnên Xwedê yî…
Tu hêviya siberojeke payî yî… Tu landika berxwedêr, mirovperwer û vînperestan
î.
Çendî dilbikîn, kujerên jiyanê û hovên serdeman kîna xwe li ser dawa te birjînin,
û hewil bidin teniya mejiyê xwe di dêmên te yên spî bidin, lê pîroziya te bi
tariyê netê perspankirin… Belê tu ramûsana rojê yî… Tu yek ji xewnên Xwedê yî…
Tu hêviya siberojeke payî yî… Tu landika berxwedêr, mirovperwer û vînperestan
î.
Qamîşlo… Çendî çavsorên rûmetşiketî bixwezibin mirûzê te yê ferişteyî bi gilîzê hovîtiya xwe bilewitînin, û bi devê zikreşiya xwe di kolanên te de vereşin, tu mîna şewqa kembera li nava kurê ezmên(Zardeştê Mezin) her û her vebrûsandî dimînî.
Qamîşlo… Ey vînzêya dîrokê…! Ma ne sonda te bi pertewên rojê ye?! Ma ne xewnên te yên kesk ji memikên şoreşgerî û berxwedanê mêtine?! Ma ne kaniyên dildarî û sozdariya hebûnê ji pêsîrên te hatine herikandin û hîn jî vedenga sîmfoniyên Waşokanî di guhên mirovahiyê de diherikin?! Serbilindiya te… dilnazikiya mêrxwezên te… ayetên aştîxweziya lawên te û neynika rastiya te bi dengê mirinê tîk nabin.
Tu Qamîşlo yî… ne tenê hespên talankaran, ne tenê berê mejîtariyê û ne tenê kurên xwîmêjan… na, te pir hovên har di xwîna wan de vegevizandin.
Qamîşlo… Ey hêlûna mêrxweziya serdeman..! Îro çavên ezmên ji girî venebûn, lêvên erdê têr şor bûn û tomargehên Xwedê serobinî hev bûn. Îro giyanê kurdewariyê rehên hin baweriyan ji zemînê xwe hilqepirandin û di nav çavên dîroka derewîn de lêxistin.
Efrîn
27. 07. 2016
