Xizan
Şîlan
Şîlan
hechecokan
diyarê xwe
diyarê xwe
terikandin
beytikan
li ber
qefesa dayikên xwe
qefesa dayikên xwe
hezkirin ji bîr kirin
kevokan ji hêlîna dil
fîrar kirin
bazên çiyayên berz
di asoya rengîn de asê bûne
refê qulingan
di kemîna çavsoran de
ketin xwarê
çûkên baskşikestî
di kavilên hinavên min re
derbas dibin
pinpinîkên hewşa giyan
di semahgirtina xwe de
sermest bûn
kewan
sewta qebqeba xwe ya xweşik
winda kirin
bilbilan
di axîn û fîxana xwe de
têlên gewriya xwe qetandin
kundan
li nav îskeîska demên reşbîn
reş girêdan
barana biharên bêkes
berovajkî diherikê
dengê xumxuma çeman
hat birîn
ez
bûm xwarina çeqel û guran
ey ferişteyên gunehkar
li nav êşa parsûyên min
sifreya miriyên dilşad raxin
û birîna salên wêran
bi hîqehîqa kenê xoşewîstê
bipêçin
Xizan Şîlan
2012-03-13
Stockholm
Şîrove (0)