C. Robarî
Ez ne serok û ne paşe me
Û nejî werzîr û mele me
Ez keçek Kurd, evîndara welatê xwe me
*
Ez ne beg û ne axe me
Û nejî xwedî zevî û fabrîke me
Ez keçek Kurd, şervana welatê xwe û gerîle me
*
Ez ne xwedî milk û seremaye me
Û nejî bazirganê tiştên qedexe me
Û nejî xwûnmij û stemkar û çete me
Ez keçek Kurd, evîndarê Kurdistan û pêşmerge me
*
Derdê min lo delal, ne mêr û pere ne
Derd û kêşa min serfiraziya xwediyê min û tene
Û hemû Kurdên bindest û tevê ez û tene
Bawerke heval, jiyana bê azadî derew û fen e
Dijmin dixwaze wisa ji xwe re bi me biken e
*
Ez ne serok û ne paşe me
Û nejî werzîr û mele me
Ez keçek Kurd xwende û zane me
Li hemû qadan, ez bi çek û pênûsê xwe amede me
Û serfiraz û azadim di axa xwe de
Ger tu jî wek min, xwedî wisa derd e
Ez ji niha de, par û evîndara te me .. te me.
22 – 02 – 2016
