Vejîna Kurd
Gurzek hesret..
baxek hêviyên stewr..
rûpelên çîrokeke
bêzar..
bêzar..
destarê
xeman
xeman
li
bêdera sîngê min digerînin
bêdera sîngê min digerînin
kon
û sîtava êşan
û sîtava êşan
bi
ser dawa demê ya qulqulî de berdidin.
ser dawa demê ya qulqulî de berdidin.
Di dilê min de
birîneke şeşsalî daxife
pişta sibehên ku
helbestên talankirinê dihûnin
û hawaran
li pişta kêlîkan sîwar dikin
xûz dike.
Rêwî me…. yan penaber im..
Gavek li pêş..
yek li paş
çentê min
bi rondikên sînoran
hawara çiya û newalan mişt e
destên min de..
tenê nêrgizeke çelmisî..
mistek ax..
û hin hêsirên çemê Efrînê .
Li pêlên jînê siwar im,
di deryaya penaberiyê de
melevaneke hestfiroş im
û bi tîpên jibîrkirinê
avdasa man û nemanê dikim.
Belê.. penaber im!!
Di tenûra hestên min de
pizotên bêriyê
û sewda xaka ku
di xwînê de digevize
pife terafa vînê dikin.
Di xewnên min de
zincîra bîranînine biskqusandî
û giriyê dayika min dema xatirxwestinê
giyanê min
di xaliya jînê de noq dikin.
Çi bêjim?!!
Ҫîrok dirêj e.
kolanên ku..
kulamên bêdengiyê distirînin
gund û bajarên ku..
li ber kîna bomban hildiweşin
zarokên ku..
li termên dê û bavê xwe digerin?!!!
Ҫîrok dirêj e.
lê ne bêdawî ye.
Vejîna Kurd
11.08.2016
Şîrove (0)