BANDOR

Dengekî nazik,
Bibihîzim… 
Gizgizok û lerz,
Giyanê min,
Tavêjin ser deydika,
Şîmijekî dilsoj û bendewarê,

sîngê gezo
Nêrîneke
Bi hez raberî
Min bê,
Bilind heltêm,
Di ser ewran re
Hînî fira bê bask
Dibim û li hemû,
Dildaran dibim,
Mêvan
Peşedaneke,
Kûr ji sîngeke şad,
Were der
Min tavêje
Ser pêlên derya
Dikevim xeweke
Nerm û şêrîn û
Şevên min tije dikin
Xewnên pembe
Erêyeke
Azad min 
Dike şagirtekî jîr
Li ber destê 
Xanimên evînê û
Li nav hemû
Ezmûnan pileyên
Bilind bi des xwe ve 
Tînim.