Senar (Mûsa Qulîkî Mîlan)
Tewrêz 1373
Xwazila ez qijik bûma
Bê mal û bê dirik bûma
Qijika ser daran bûma
Li ser serê sûran bûma
Peyda kira hevala xwe
Pirda bi tev delala xwe!
Bila nebûya deynê min
Bila nebûya ola min
Deynê min çî ye? Nizanî!
Ola min çî ye? Nizanî!
Deynê min yê şivantiyê
Ola min ya bendetiyê
Şivantî bikim bendê ra
Bendetî bikim xwedê ra.
Xwazila ez qijik bûma
Bê mal û bê dirik bûma
Qijika ser daran bûma
Li ser serê sûran bûma
Peyda kira hevala xwe
Pirda bi tev delala xwe!
Durûtî qet tinebûya
Dizîtî qet tinebûya
Mal esmanê heftan bûya
Ol ola firiştan bûya
Cînarê pîs tinebûya
Ruviyê pîs tinebûya
Per vekira li esmana
Xelas bûma destê wana.
Xwazila ez qijik bûma
Bê mal û bê dirik bûma
Qijika ser daran bûma
Li ser serê sûran bûma
Peyda kira hevala xwe
Pirda bi tev delala xwe!
Bila tinebûya hizir
Bila tinebûya fikir
Bê fikr û bê xiyal bûma
Bê hiş û bê kemal bûma
Bila guhê min ker bûya
Bila çavê min kor bûya
Min nebihîsta dengê zor!
Min nebidîta xwîna sor!
Xwazila ez qijik bûma
Bê mal û bê dirik bûma
Qijika ser daran bûma
Li ser serê sûran bûma
Peyda kira hevala xwe
Pirda bi tev delala xwe!
Rûvînin me bûne serek
Şêrên bê rû bûne virek
Şevên dizan dirêj bûne
Kalên me bê nimêj bûne
Rojên rastan winda bûne
Hîvên başan şûnda bûne
Qewlê mêrê berê tine
Xêr û bêra berê tine.
Senar êdî bes e bêje!
Te şev ret kir êdî roj e!
Şîrove (0)