Vejîna Kurd
Bihna te ya qirêj..
û cilên te
yên bi xem û kovanan
perspankirî
hîn li bîra min tên..
de here…
zû here…
Erêêêêê…
zanim.. tu hestiyên temenê min
dihêrî..
û gulên meraqên min
diçelmisînî..
lê divê tu bi lez herî.
Ey hişyarvanê derdan!!
Ezê te
li goristana bîranînan
binax bikim..
ezê kêlikekê
li ber serê te
deynim
û navê te
li ser binivisînim: Sala 2015.
Ezê çîçekekê jî
li ser gora te
biçînim
tu dizanî çima?!!
Ji ber ku
li despêka buhara xwe de
te gul û bilbilek
li hev civandin.
Dûv re..
ezê xwe bavêjim
hembêza 2016an
belkî ew min biparêze
ji pir derd û êşan…
Ezê te
li goristana bîranînan
binax bikim..
ezê kêlikekê
li ber serê te
deynim
û navê te
li ser binivisînim: Sala 2015.
Ezê çîçekekê jî
li ser gora te
biçînim
tu dizanî çima?!!
Ji ber ku
li despêka buhara xwe de
te gul û bilbilek
li hev civandin.
Dûv re..
ezê xwe bavêjim
hembêza 2016an
belkî ew min biparêze
ji pir derd û êşan…
31/12/2015
