ZANAV

Dildar Îsmail

Kanî zanav…dixwazim
Kişandin …mame bê nav
Digerînim name
Li her dever li kû çêdibe
Li kû çêbû …………… ?
Warê min çi war
Warekî bê zanav
Rêjîmek bê fedî

Çil sal belengaz û şepirze
Ne dih û ne bîst mirov
Dused hezar û pêve dikşîne
Zinar û sînor
Rêjîmek diçê û yek tê
Min dihêlin bê nav
Dikim hawar …………………
Digrin ziman û çav
Dikim qêrîn……………………
Çêdikin zindan û dav
Dikim deng…………………… 
Dimînim bê çeng
Qedexeye li min ……………
Xwendin û kar
Dimrim bê dar
Heyî belengaz
Zarokê zarokan çêbûn
Şerme bê nav
Birçî û xwas
Ka dê ka bav
Ji şîrî heya pîrî
Dimînim bê zanav