XEMGÎN Ê REMO Jan û jan …
Heta bi dawî ya rê
Min da dûv badlîzokê
Keser û keser …
Li dojeha gumana
Min zevî yê sitirî yan
Bi jana hêvî yan
Di dil de çandin
Û hîva min xapînok
Yara min cadûgereke leyzok …
Dilê min guloka rîs
û teşî ristê
bi çep û rast de badida
li hişyarî yê
di xewna de
min tim sernavê evînê
dixwend di çavan de …
ba û ba …
ez diçûm di nav pêlan de …
û girava bînvedanê
tim ji min dûr ….
û teşî ristê
bi çep û rast de badida
li hişyarî yê
di xewna de
min tim sernavê evînê
dixwend di çavan de …
ba û ba …
ez diçûm di nav pêlan de …
û girava bînvedanê
tim ji min dûr ….
Yara pir dost
Ne tenê bo min yare
Bo her dildarî buhare
Bêhna gulên jehrîn
Ji hawîr de berbelave
Û mest û mest …
Avjenî di avgîra wê de
Poşmanî ye
Nêçîra nehinga ye
Lêdana rîrên sîxure
Cergê min jê birîndare
Û reva li dûv leylanê
Tenahî ye
Bînvedana li biyabane …
Ne tenê bo min yare
Bo her dildarî buhare
Bêhna gulên jehrîn
Ji hawîr de berbelave
Û mest û mest …
Avjenî di avgîra wê de
Poşmanî ye
Nêçîra nehinga ye
Lêdana rîrên sîxure
Cergê min jê birîndare
Û reva li dûv leylanê
Tenahî ye
Bînvedana li biyabane …
Qamişlo/8/7/2007
