NÎGARÊN TE

HOZANÊ GIRKUNDÊ

dergehên mehrevanîya
xewnan li ser perenga
elendê….
bê mehder dergûşa
xeman di lorînim…
ji şengewîna pêjna te
ya mêşinî….
ez û dilê jar
evînîyek bê hêvî
li beyarên beybaneke
rût bê asîman di çînim…

ev çend dem salên
bê buhar derbasbûn
çend xewnên bi şêl
û pêl xwe tevî şevên
dil sar kirin……….
hînê nikarim
ev xemgînîya bê dawî
ji mehraba dilê te….
bi weşînim…….
ji ber li vê gerdûna fireh
tê me vejandin
bi êşa nîgaşên te…..
ji lewra di xwazim
wargehekî li peravê
dîdarîyê bi afirînim….
çendî bi hêvî me
ko ez di derya çavên te
bi nivistim…..
pîrbûna salan
ji fer henga jiyanê
bi qwrînim……
çendî bendewarim
ko ez sîmfonîya
ber banga te li ber
semawenda maçên
agirînî bi dildarî
li dar xînim……