Konê Reş
Cejnê Cejnê Cejnê
Xanê rok hat bejnê
Cejna Newrozê ye
Serê nû salê ye
Va dar dipişkivin
Çiya dixemilin
Bi zer û kesk û sor
Bi riçinê wek por
Çûk çivîk dixwîn in
Hêlîna datîn in
Dil lêdide bijen
Xwerist dibe bi ken
Mirov dibe rûgeş
Jiyan şêrîn û xweş
Cejnê Cejnê Cejnê
Xello rok hat bejnê
Cejna Newrozê ye
Destpêka salê ye
Cejna ji sed salan
Roja bav û kalan
Heydê keko rabe
Bi vê rojê şabe
Em dadin agire
Ser zinar û gire
Agirê vê rojê
Nîşana Newrozê
Derenge zû rabe
Tev dostên xwe şabe.
Qamişlo
Şîrove (0)