M.Emîn Sadûn – Dêrika Hemko.
Bi hêvî me, ku sala 2022 an, bibe sala pêkanîna xewn û hêviyan.
Bi omîd im, ku sala 2022 an, bibe sala çespandina serkeftinan û parastina destkeftiyan.
Her wek tê xuyakirin, ku dem pir nazik û hestiyar e, û herêm avis e bi gelek guhertin, rûdan, pêşhatî û nûhatiyan.
Vêca dem dema çespandina serkeftiya ye û parastina destkeftiya ye. Ji ber wê jî, îro ji her wextî bêhtir, Ji hêz û partiyên kurdî yên siyasî, û rêxistinên civaka sivîl, tê xwestin; ku xwe bi nakokiyên demikî û navxweyî ve mijûl nekin û wan nakokî û hevrikiyan deynin aliyekî û li ser armancên istiratîcîk lihev bikin û lihev werin û bi hev re bixepitin û hevpeymanan jî ava bikin û ji bîr nekin deryê kewar û enbarên kîndarî û reşkirinê di civaka kurdî de daxin û li pêştê bigirin; ku armanaca sereke di vê qûnaxa metirsîdar de,
jîngeh û zemîneyeke saxlem were avakirin, û pêre destkeftiyan qizinc bikin ji vî gelê belengaz û perîşan re, ew gelê ku ev e sedê sala ye, di bin nîrê sitem û zordariya dagîrgeran de dinale, û dem û derfet hatiye, ku sûdê ji wan guhertin û rûdanên balkêş bigire û di nava wan de cih bistîne, û vê carê jî ji mafê xwe yê rewa bê par û pişk nemîne.
