Konê Reş
Bîst û pencê vê ilûnê
Refranduma serxwebûnê
Erê erê bo hebûnê
Bijî bijî serxwebûnê.
Kurdno! Rabin bilezînin
Nasnameya xwe bistînin
Bi yek dengî bilîlînin
Bijî bijî serxwebûnê.
Bela canên gorbihiştan
Şad -aram bin li goristan
Navbilind bin li Kurdistan
Bijî bijî serxwebûnê.
Şerefxan û Mîr Bedirxan
Nehrî û Pîran û Barzan
Her zindî bin li Kurdistan
Bijî bijî serxwebûnê.
Hewlêr û Dêrsim û Batman
Mehabad, Amûd û Botan
Ew in dayikên niştiman
Bijî bijî serxwebûnê.
Serxwebûn şêrîn û xweş e
Welî bibe rengê reş e
Kurd tevî, bibin rûgeş e
Bijî bijî serxwebûnê.
Îlûn meha me kurda ye
Ala rengîn va li ba ye
Dilê kurdan pir pê şa ye
Bijî bijî serxwebûnê.
Konê Reş, Qamişlo, 29/6/2017
