Gurkan Elhac
Dilê êsîr di tewlê de
Binê bîrê di dewlê de
Du cotê çav birûsk lêda
Evîn û xwîn lehî pêda
Binê bîrê di dewlê de
Du cotê çav birûsk lêda
Evîn û xwîn lehî pêda
…
Berûkê şer vekir lêda
Dilê bêçek xwe dî tê de
Xwe ber gulle negirt zêde
Birîndar ket di cengê de
…
Çiqasî dil xwe da alî
Li tîrêjên du çav alî
Evîn înaye bîst salî
Gerandim ez di çerxê de
…
Ne xewnek bû dihat û çû
Ne rojek bû hilat û çû
Awirên pir şewat û dû
Pişavtin min teniştê de
…
Ji awirkê hezar name
Hinartin bê pel û xame
Di koda dil de peyxame
Dilê bêçek xwe dî tê de
Xwe ber gulle negirt zêde
Birîndar ket di cengê de
…
Çiqasî dil xwe da alî
Li tîrêjên du çav alî
Evîn înaye bîst salî
Gerandim ez di çerxê de
…
Ne xewnek bû dihat û çû
Ne rojek bû hilat û çû
Awirên pir şewat û dû
Pişavtin min teniştê de
…
Ji awirkê hezar name
Hinartin bê pel û xame
Di koda dil de peyxame
Bi xitma çav muhur lêda
…
Li bin ebrû du mermûl im
Wekî jîjo du mijgûl in
Bi nêçîrê ve mijûl in
Dilê min ketye derbê de
…
Perê çava bi guvguvbûn
Du şanê pir ji hinguv bûn
Du perwanê miçî liv bûn
Niza ketbûn çi kerbê de
…
Du çava tîr liserhev dan
Hiş û sewda hemû tevdan
Kirim mat û mi dest levdan
Mi xatir xwest di rex wê de
…
Mi rêkir lav di çava de
Ziwa bû hêz di gava de
Li paşê min serî bada
Bi çîmanê diçû wê de
…
Serî mest bê mey û bade
Du kul man raz hinava de
Xwe kir nîşan dilê sade
Vegestî can di pey wê de
…
Hejandim pê evînek zû
Vekir îro birînek nû
Li hêvya lê bikê pembû
Qemûş bigrê di sîngê de
…
Ne poşman im bi vî halî
Bimînim piştî sed salî
Werê derman bi dest malî
Nigê min best û qeydê de
…
Dîlok12.04.2023
Demjimêr 17.57 êvar
