Mizgîn Hesko
Çendîn sal…?
Û jiyan…
Leystika xwestekên nervînê
Û neperûşkên nihêniyê..
Xewnên…
Bi welatan dagirtî
Û çavên Xilmaş…!
Kurdzadên bêcir…
Xewanên şûşeya tehliyê!
Xewanên şûşeya tehliyê!
Rêyên..
Bi kulîlkên erxewanê
Her û her ji dest nadin
Û ne jî ji dest didin
Dergehên heşîniyê…!
Çendîn sal…
Û ev xwêsî di şaxên darberûyan de…
Ev dar…
Bi berên xwe ên şor
Bardar in…!
Û ev sirûd
Di hêrsa bagerê de
Dilên …hînî piyala şevê bû ne
Û dîlên hişiyariyê…!
Dê hîna jî…
Ristên xwe bi çîvçîva rojê re
Li ba bikim
Û herî dawî…
Li ser têlên welatekî
Bi hêviyê xemilî
Wan biseridînim…!
03. Kewçêra 2023.
