Arjen Arî Taldeya tehteké sitar e carinan, carinan; di qijjîna havîné de hénikahiya binê kolikeke li nava werzan, carinan jî; siya bîşengeke li peravén Ava Bûnisra şaxén xwe mîna jineke porberdayî dabe desté bé…
Her ku dibe évar, û évar û siharén rûtenik dikevin bîra min, çavé min dikin derén ji kortalén xwe: Seré min ji nişké ve dizîvire héla bakûr; di şibaka wî bajaré ezman-kwîr de avirén min li cobarén sitéran digerin…
Ji dermané çavé kul re stérek bi tené jî naçûrise di neynika şevé de. Tu é bibéjî qey bajar ketiye şikevta reşahiyé û dergeh li xwe û şevé daraye.
Ji bilî kolanokén teng î tehl; apartmanén wekî sipîndaran di ber hev de çandî, şaneşînén ku milén wan li banî dihingivine hev, paceyén mîna rahbikén devûrû nixumandî û nehélin ku roniya hûndir xwe bide der…ne şevé tené; li tevî min bîhna hemû stérhezan jî teng dike…
Xasma vé évaré, ev bajar vé évara ku havîné dergehé dinyayé li germahiya hezîrané vekiriye û ne sura bé heye ne jî tîjkek ronî; bi taybetî min é ku bériya stéran kiriye dike ku bifetisîne di nava lepén reşahiyé de.
Gur ji şevén reş û bi mij hez dike. Lé ez…ez ew kes im ku ji welatekî nézî welatén stéran hatî ye.
Niha, dixwazim rahijim seré xwe û mîna yekî ji xerebata derketî bidim ser riyé…Lé, di vé reşé di şevé de..?
Wekî yé seré ben wenda kirî, min jî seré riyé wenda kiriye. Û reşahî dike ku dinya li dora min bigere. Bérikirin ji héleké de min kaş dike, ji aliyekî ve stér bangî min dikin . Min bériya stéran kiriye…Stérén lib lib, goşî goşî…Stérén ku ji dûr ve bi nazenînî çav li min diniqirandin û zarok zarok dibişirîn…
Ez û wan heta van salén dawî jî bi hev re vedigariyan wan deman, wan demén ku ne ew ji min, ne ez ji wan tér dibûm:Wekî bazekî çiyayî ez jî ji gundekî çiyé bûm. Û her ku dibû şev; gund, ez û seré bén nezîktîrî stéran dibûn. Ezmané bi roj ji min ve dûr û bi ewrén nermehevrîşmî, bi şev dibû mîna lihéfeke bi stéran neqişandî…
Hé wan wextan çavén min î mîna xarén dîndoqî, férî temaşeya li sitéran bibûn. Navé hinekan Komika Séviyan bû, yé hinekan Goşiké Tirî, yé yeké Hirçé, yé yeke din Kerwankuj…
Diya min digot, ‘Kuré min…tu bi ser derî ve bî, tu é di Riya Kadizé re bişé biçî welaté stéran’.
Ez é ku her şev li seré bén di xewnén xwe de diketim ser ré û min ji stérén ku leqeyî wan dihatim riya Stéristané ji wan dipirsî, piştî ku çavén min hingavtibûn stérén çavén Stéré, min bawer kir ku li Stéristané her şev Leylé dide dû Mecnûn.
Min dimeyzand: Carinan Mecnûn ku dilezand, Leylé jî lez dida xwe. Gava ku min digot, ‘Dayé dayé, binere… mîna ku bibezin dilezînin’, diya min digot, ‘ kuré min…ew dé bi ser ya xwe ve bin…şeveké dé bigihin hev’!
Xasma vé évaré, ev bajar vé évara ku havîné dergehé dinyayé li germahiya hezîrané vekiriye û ne sura bé heye ne jî tîjkek ronî; bi taybetî min é ku bériya stéran kiriye dike ku bifetisîne di nava lepén reşahiyé de.
Gur ji şevén reş û bi mij hez dike. Lé ez…ez ew kes im ku ji welatekî nézî welatén stéran hatî ye.
Niha, dixwazim rahijim seré xwe û mîna yekî ji xerebata derketî bidim ser riyé…Lé, di vé reşé di şevé de..?
Wekî yé seré ben wenda kirî, min jî seré riyé wenda kiriye. Û reşahî dike ku dinya li dora min bigere. Bérikirin ji héleké de min kaş dike, ji aliyekî ve stér bangî min dikin . Min bériya stéran kiriye…Stérén lib lib, goşî goşî…Stérén ku ji dûr ve bi nazenînî çav li min diniqirandin û zarok zarok dibişirîn…
Ez û wan heta van salén dawî jî bi hev re vedigariyan wan deman, wan demén ku ne ew ji min, ne ez ji wan tér dibûm:Wekî bazekî çiyayî ez jî ji gundekî çiyé bûm. Û her ku dibû şev; gund, ez û seré bén nezîktîrî stéran dibûn. Ezmané bi roj ji min ve dûr û bi ewrén nermehevrîşmî, bi şev dibû mîna lihéfeke bi stéran neqişandî…
Hé wan wextan çavén min î mîna xarén dîndoqî, férî temaşeya li sitéran bibûn. Navé hinekan Komika Séviyan bû, yé hinekan Goşiké Tirî, yé yeké Hirçé, yé yeke din Kerwankuj…
Diya min digot, ‘Kuré min…tu bi ser derî ve bî, tu é di Riya Kadizé re bişé biçî welaté stéran’.
Ez é ku her şev li seré bén di xewnén xwe de diketim ser ré û min ji stérén ku leqeyî wan dihatim riya Stéristané ji wan dipirsî, piştî ku çavén min hingavtibûn stérén çavén Stéré, min bawer kir ku li Stéristané her şev Leylé dide dû Mecnûn.
Min dimeyzand: Carinan Mecnûn ku dilezand, Leylé jî lez dida xwe. Gava ku min digot, ‘Dayé dayé, binere… mîna ku bibezin dilezînin’, diya min digot, ‘ kuré min…ew dé bi ser ya xwe ve bin…şeveké dé bigihin hev’!
Yén ku li çiyé gihabûn hev û ji wir beré xwe dabûn Stéristané di ré de ji devé hemwelatiyan li serpéhatiyén rijîna stéran dihesandin. Li gorî baweriya hemwelatiyén bawerqayim, di réwîtiya li ser riya Stéristané stéra ku li erdé biketa erdé, wé şevé li ezman jî dibû stérek û dirijiya erdé.
Wé şevé, beriya ku hîv biçe şivé, gava ku min dît mîna kulmek xwe bikeve agir, ji ezman wisa béjimar stér xwéjinkî hatin xwaré, ez ji ser livînan hilçeniyabûm û min kiribû qîrîn: Yaaaddd yaaaad! Li rijîna stéran meyzén!
Yadé, piştî gotina Xweda sebré bide dayika wan, keserek kişandibû û gotibû, ‘Sih sal e berxé min… sih sal e stér dikevin erdé û em her şev li rijîna stéran temaşe dikin’.
Diya min piştî ku stérén çavén xwe paqij kiribûn, gotibû, ‘berxiké min… ka li ezman meyzén… heke stérek jî jé kem bûbe’?!
Min li ezman meyzand. Mîna ku kitek jî nerijiya be erdé, yek kém nebûbe, wisa bi bişirîn, stér kit kit diçurisîn.
Wé şevé, beriya ku hîv biçe şivé, gava ku min dît mîna kulmek xwe bikeve agir, ji ezman wisa béjimar stér xwéjinkî hatin xwaré, ez ji ser livînan hilçeniyabûm û min kiribû qîrîn: Yaaaddd yaaaad! Li rijîna stéran meyzén!
Yadé, piştî gotina Xweda sebré bide dayika wan, keserek kişandibû û gotibû, ‘Sih sal e berxé min… sih sal e stér dikevin erdé û em her şev li rijîna stéran temaşe dikin’.
Diya min piştî ku stérén çavén xwe paqij kiribûn, gotibû, ‘berxiké min… ka li ezman meyzén… heke stérek jî jé kem bûbe’?!
Min li ezman meyzand. Mîna ku kitek jî nerijiya be erdé, yek kém nebûbe, wisa bi bişirîn, stér kit kit diçurisîn.
08/06/2011/
