Dr. Zara SalihBêguman di xalên berfere de, bi destxistina mafên netewî kurdî, armanca her mirovekî kurd e di welatê Sûrî de. Û ev bu bêtirî pêncih salî ye ku kar û xebat berdewame ta ku em weke kurd bi taybetî ( weke Sûrî bi tevayi ), li hêviya wê rojê bûn, roja serhildana gelê Sûrî dijî rêjîma dictator. Ev bu dora 6 heyvan agirê şoreşa gelê Sûrî vêketiye, lê ta niha kurdan nikarîbun nûneriyeke xwe hilbijêrin, tevlû ku bizava kurdî ( partî, ciwanên kurd, roşenbîr û hemû welatparêz ), hewl didin, lê xuyaye ku pir astengî hene ( ew jî di baweriya me kesayetî û ezîtî ne ligor seykolojiya milletê kurd ).
Bi rastî mirov matmayi dimênê ku îro welatê Sûrî gihaye radeyeke bilind di şoreşa xwe de û kurd jî bi wan re beşdarin bi xwepêşendan û sloganên niştemanî û netewî kurdî, û tevlû ku ew dizanin rikberiya ereb ya Sûrî ne gelekî dûrî rêjîmê ye di warê nerîna xwe jibo çareserkirina pirsa netewî kurdî de,lê dîse jî em sûd nagirin û yekhêziya kurdî diyar nakin û her dem dibihurê.
Piştî roxandina rêjîma Bas di demên pêş de ( ku êdî veger ji vê yekê nemaye ), helbet kurd wê nikaribin daxuazên xwe yên netewî bidin qebûl kirin bi wî rengê hesan, û em ê li pêşiya xebateke dûvdirêj bin, nexasim gava em ne li ser hevbin weke tabloya roja îro, loma ez dibînim ku metirsiyeke mezin heye ( heger em wisa berdewam bikin ), ku ev derfeta zêrîn peyda bûye piştî bayê guhertinê bi aliyê welatên erebî ve, û heger kurd sûd negrin û xwendineke siyasî dirust ne wê ziman ku baweriya bi yekîtiya kurdî bibe erkê her mirovekî kurd û doz bike ku îro berî sibe ev karê han zû here serî.
Piştî roxandina rêjîma Bas di demên pêş de ( ku êdî veger ji vê yekê nemaye ), helbet kurd wê nikaribin daxuazên xwe yên netewî bidin qebûl kirin bi wî rengê hesan, û em ê li pêşiya xebateke dûvdirêj bin, nexasim gava em ne li ser hevbin weke tabloya roja îro, loma ez dibînim ku metirsiyeke mezin heye ( heger em wisa berdewam bikin ), ku ev derfeta zêrîn peyda bûye piştî bayê guhertinê bi aliyê welatên erebî ve, û heger kurd sûd negrin û xwendineke siyasî dirust ne wê ziman ku baweriya bi yekîtiya kurdî bibe erkê her mirovekî kurd û doz bike ku îro berî sibe ev karê han zû here serî.
Em tev dizanin ji destpêka şoreşa Sûrî de, biriyarê gel hilweşandina vê rêjîmê ye û gelek qurban hatin danîn û hîn jî wê hebin. Kurd jî di nava vê şoreşê de ne, lê kesek xwedî li doza wan derneketiye ji aliyê opozîsiona erebî ve, çikû pirsa kurdî weke ya welatiyên Sûrî dinerxînin, ne weke dozeke netewî. Loma, pêwîste ku em pêşî xwediyê doza xwebin bi yek deng û yek hêz, ta êdî ereb jî hesabê me bikin û em bihevre xwedî par bin di welatê Sûrî de. Em dibînin bê çawa civat û kongira lidar dixin bê ku ti paxava ji kurdan re bikin, û em tên berê xwe didin hev û şer dikin û tev jî doza yekîtiyê dikin, lê ku tê ya kar û rastiyê her kes xwe dirust û zana dibînê( dîse nexeme ), lê kes rê nadê xeynî xwe bo pêkanîna van daxwazan. Tê zanîn ku seykolojiya miletê kurd weke miletekî bindest û ne bûye xwedî kesayetî çikû bê welate, ev mentelîteya han xelkên biyanî dipejirîne û desthilatdariya wî qebûl dike, lê ya xwe bixwe qebûl nakê. Di baweriya min de heger hineke ereb doz li kurdan kiriba ku kongirê xwe tewaw bikin, wê çaxê wê çûba serî, ji ber em biya serdestan dikin bêtir ji kurdan, tevlû ku em hemû tiştî dizanin û gelek ji me jî dinivîsin û rexna dikin, lê kesek di warê pratîkê de bikar nayênê, ev jî problêmeke mezine, lê gereke em xwe xelas bikin û zû hayedarbin û yekîtiya xwe bibin bi dawîkirin û nûneriyek kurdî hilbijêrin. Her kes ji me berpirsiyar e ku ev karê pîroz pêk were, heger em bixwazin mafên gelê kurd li Sûrî bidestxin, gereke hemû hêzên kurdî çi partî û çi kes,wê nasnama xwe û kesayetiya xwe û nercisiya xwe di hindurê vê yekîtiya kurdî de bibînin, û êdî ew kirasê ezîtî û quretî bête avêtin di roja îro de, ji ber ku gava em weke kurd gihiştin mafê xwe, wê her kes ji me xwe serbilind û şanaz bibînê û bere ta jê werê jî, xwe qure bike û xwe mezin bibîne, çikû wê çaxê xwedî pişte û mafe, ne li ber dîwara û destê xelkê ye. Ev banga han jibo kurdan teva ye û bêtir hêzên siyasî ku zû yekîtiya kurdî bête nîşankirin bi yek nûnerî, ta millet hemû li dora wê kom bibin weke hêzeke mezin û giran bo bêtirî 4 meliyon kurd karibin xwe bi xwe, desthilatdariya xwe bikin bi şêweke nû destûrî di navbera herdu miletan de ( kurd û ereb ), ku êdî welatekî democrat û hevpar û federal ava bikin li ser bingeha wekhevî û qanûn û mafê mirovan
