Brahîm Mehmûd
Gula darê ji bo min ne kuleke
Dar kula mine
Lê dema ki gul rû geş dibe
Dizanim ku dar li ser xwe ye
Geşbîn dibim
Rûbar li ber min dibawişke
ji xwe pişt raste
ku avrêjiya wî misogere
dikeve xweneke şêrîn
di himêza dada kaniyê de
Bayekî hênik xwe li min digre
Di laşê min de dilorîne
Ev çi giyanekî dilovan
Ku çûkê beytik
Xwe jê re berdide
Û dike çîveçîv
Ev çi giyanekî dilovan
Ku çûkê beytik
Xwe jê re berdide
Û dike çîveçîv
Asoyek min dinixumîne
Dilê xwe dispêrêmê
Asîmanek pêk ve dibeşişe
Sirodek siruştî
Di giyanê min de dibişkive
