Helbest:Aladîn Cengo
Wergerandin: Ezîz Xemcivîn
Dara min
hemû êmîşan
zeytûn,
leymûn,
sêv û hinaran
li ser şaxên xwe hildigire..!!
Dara min
li ser wê hêlîna xwe ava dikim.
Şaxên wê
ji min pê ve
tu tilûrî napejirînin..!!
Honkaya bayan
li ser dibûre
bi bêzariya şaxên xwe
laşê min dişopîne;
û bi aviya xwe
tîbûna min dikuje..!!
Dara min
bi çar darikên sitiriyan
dorpêç e..
kok û rehên wê
bi destê kînokan têtin avdan…!!
Xwediyên her darikekê stiriyan
dibêjin:
li buhişta bawermendan
ev dar a nemiriyê ye..!!??
Dilteng nebin
dara min comerd e
şaxên xwe
ji cîhanê re dirêj dike..
û rojekê jî
ji çilmisînê natirs e..
her tovek jê dikeve
çiqasî baran bi derengî bibare
wê seriyekî hilde
fereca xêrê wê rojekê bê
heger kengî be jî
wê bê…!!
18/12/2006
Şîrove (0)