Menu
Menu
Mehmûd Badilî
Çavên te dibijin
zevîyên genimê min
û simbilên rewanê min
ji tîna awirên te
dişewibin.
Xewnên min
li baxên te
pelin payîzîne.
Tûjin…
tîrên dewlemendiya te
di mêrga giyanê min de
birîneke kûrim
li ser eniya te.
Li ber çavên te
penaberekî berdîwarim
û hişyarî li ba te
paçikekî bi qirêje.
Ba
ji bêhna tilîyên te…
sotina xwe
li bejîbûna sîya min
gûr dike….
