Qamişlo – 24.07.2026 Desteya Birêvebir a Yekîtiya Nivîskarên Kurdistana Sûriyê roja Înê, 24ê Tîrmeha 2026an, li navenda yekîtiyê ya li Qamişlo civata xwe ya pêşîn piştî Kongira Çaranan, bi amadebûna hemû endamên desteyê, lidarxist.
Civat bi xuleyek bêdeng ji bo bîranîna şehîdên Kurdistanê û şehîdên pênûsa azad dest pê kir. Piştre mamoste Ebdulhekîm Muhemed, wekî rêvebirê civata pêşîn, endaman bixêrhatin kir û pîrozbahî ji bo serketina kongirê û hilbijartina wan di desteya birêvebir de pêşkêş kir.
Di civatê de gelek mijarên girîng hatin gengeşekirin; di nav wan de rewşa rêxistinî ya yekîtiyê, avakirina komîteyên pispor, nirxandina encamên kongirê, cîbicîkirina biryarên kongirê, nirxandina pêşniyarên endaman ji bo xurtkirina karê navxweyî, bernameya konferansên şaxan û herwiha hilbijartina serok û cîgirê yekîtiyê.
Li dawiya civatê, bi awayekî demokratîk, nivîskar Ebdusemed Mehmûd wekî Serokê Yekîtiyê, û nivîskar Ebdulbaqî Tahir wekî Cîgirê Serok hatin hilbijartin.
Di Kongira Çaranan de jî ev 16 endam wekî Desteya Birêvebir hatibûn hilbijartin:
- Ebdusemed Mehmûd
- Ebdulbaqî Tahir
- Ebdulhekîm Muhemed
- Zehra Qasim
- Luqman Yûsif
- Izedîn Mela
- Fêsel Qadirî
- Ebîr Dirê’î
- Ibrahîm Qasim
- Ehmed Sofî
- Wezna Osê
- Hewa Bişo
- Tewfîq Sînan
- Behcet Şêxo
- Sebrî Resûl (Nûnerê Ewropayê)
- Vanês Mîranî (Nûnerê Herêma Kurdistanê)
Di dawiya civatê de, Serokê Yekîtiyê Ebdusemed Mehmûd spasiya hemû endaman kir û bal kişand ser girîngiya hevkarî û yekgirtinê. Wî diyar kir ku desteya nû dê bi hev re bixebite da ku Yekîtiya Nivîskarên Kurdistana Sûriyê bibe mala hemû nivîskaran û parêzgeha wêjeyê û zimanê Kurdî.
Komîteya Ragihandinê
Qamişlo – 24.07.2026
