Beşîr Botanî, Stokholm
Roja 25ê oktoberê bixwe wexera Sebrî Botanî ya 27an 2, ez bi vê hilkeftê dixwazim tenê li ser yekgirtina kurdan rawestm ji ber ku ev xal armanca Botanî bû û nemaze li Şoreşa Eylûlê dema “Mekteb Siyasî” sala 1964an ji şoreşê cuda bû û pê ziyaneke mezin gehişite bizava kurdî û netewa kurd û dema kurdan sala 1970î otonomî wergirt hingê keyfa Botanî hat ku bizava kurdî li başûrê welatî bû yek… Lê dema ceng sala 1975an rawesta hingê dîsan bizava kurdî bû du parçe û ji hingê ve ta îro gelek ziyanên mezntir gehişitine bizava kurdî û netewa kurd.
Hêviya Botanî ne tenê kurd li parçeke welatî bibine yek lê belê li her çwar aliyên welatî, lewra ewî helbesta (Bilûra min) li ser yekgirtina kurdan nivîsî ku kurd li bakûr û başûrê welatî divêt bibine yek “Dengê Metîn û Cûdî ye”: Metîn, anku bizava kurdî li başûrê welatî û Cûdî, anku bizava kurdî li bakûrê welatî. Lê mixabin e ku ji ber vê dîtina Botanî, ziyaneke mezin gehişite wî û malbata wî jî. Di dûmahiyê de navdarî û nemirî bo Sebrî Botanî ne.
…
Bilûra min
Bilorîne, bike gazî
Çi hawar û çi qêrîne
Kurd millet e, bê dewlet e
Ji her alî dilbirîn e
Bilorîne, bike giv giv
Ew dizanin çi giv giv e
Dengê Metîn û Cûdî ye
Kurmancî ye wek hingiv e
Kurmancî: Mebest ji “kurmanc“ li vêrê netewa kurd e û “kurmancî“ anku zimanê kurdî.
