Yusra Zibêr
Bi pênûsa xwe ya nenas binivîsînim
Xêzên winda li jiyanê birêsînim
Armancên dûr tev keseran bihûnînim
Li asoyan tîpên nexwya bi civînim
Rewşa tarî ji jiyana xwe dûr xînim
Demên bûrî dev sawêran binerxînim
Hêdî hêdî pêlê derya bi hejînim
Xêzên winda dinav pêlan ez bixwînim
Li ser ewran tarîka reş ez hilînim
Bi xum xuma dengê tavan ez birînim
Li bahoza demên bûrî bi meyzînim
Belge namên evîndarîyê bi lerzînim
Li beyaban germa rokê hilweşînim
Sawêran li pêlê derya pireşînim
Belkî şînahiya demê lê biçînim
Bi pêdarî xêzên jînê lê bijîim
Pahozê bi baweşînê dûrbixînim
Pêlê derya bi aramî bi lorînim
Di sîbera xewnên xwe de ez bimînim
Xêzên pênûsa xwe herdem aferînim
Ewr û tavan ji jiyanê dûr bixînim
Hêvî û omîdê winda bi civînim
