Nayif çolo
Mijlbûna gerdûnê
Demsalên bê nav
Bapîsûkên bê xewin
Kenê bê qermîçûk
Giryê parzûnkirî ji hêsrên
Dilpakiyê
Çar aliyên windayî
Du rûbarên bazdayî
Yek girî
Yên din xwîn
Li zevyên xewnan
Dimiçiqin
Şarên behremend tenê
Ji berbendiya kuştinê
Havîn xwe dialêse ji
Xwêdana hejaran bê fedî
Pênûs berdiliyê li gotinên
Evîniyê dike
Bê çar dimînin helbestên
Aşitiyê
Li keviyê paravên
Sêwî
Xwe dide pêş rengê
Reş
Ji dest diçe jiyan rengê
Spî
Û hêdî hêdî diçê ava
Hêvya welat.
