Idrîs Hiso
Di van rojê dawî de gelekî behsa wê yekê tê kirin ku dewleta terorîstên çekdarên dewleta islamî li Iraq û Şamê(DAIŞ) bidawî hat û bi tenê çend rojin wê ev nûçe bê ragihandin, cîhan çavê wê li nûçeyek wisaye.
Hêzên Sûriyeya Demokratîk(HSD) û Hêzên Hevpeymaniya Navdewletî çekdarên DAIŞê li gundewarê Dêra Zorê li Sûriyê li gundê Baxoz dorpêç kirine û kerîdorên mirovî ji bo xelkên sivîl û yên dixwazin ji deverê hilên derkevin vekirine.
Bi hezaran çekdar, jinên daişiyan û zarokên wan dest hildayî jor xwe radestî hêzên navborî dikin û bi barhilgirên guhezitina mer û bizinan ji bo kampan têne veguheztin.
Di encam de rojane nûçe derbarê zarok û jinên kurdên êzidî ku hêşta di destê DAIŞê de dîl mane û jinûve têne rizgar kirin belav dibin.
Di kurte vîdiyoyekê de tê ragihandin ku 11 zarokên Kurdên Êzidî ku li ser destê HSDê hatine rizgarkirin, dema ku rojnamevan çend pirsan ji wan zarokan dike, yek ji wan dibêje Ma Tiştek Bi Şingalê Hatiye?! Dengê jinekê tê ku ji wan re dibêje: Na tiştek bi Şingalê nehatiye û hemû li hêviya we ne…
Erê kurê min tiştek bi Şingalê nehatiye, lê tiştê bûye bi serê şingaliyan ve hatiye , Şingal li cihê xwe ye, Şingal wêran e, xanî, mal, gund û gundewarên Şingalê wêran û xabûrin kurê min.
Lê ez ji te re dibêjim Şingal silametî ye, nûavakirina xanî, şeqam û bazaran zor jê re navê, berî niha Duhok, Silêmanî û Hewlêr jî wêran û xabûr bibûn. Di çend mehan de hosteyên Şingalî Karin bajarekî nû avabikin. Xema vê nexwe kurê min.
Lê tiştê bi serê xelkê Şingalê ve hatiye, guherîna di bîr û bawriya Şingaliyan de bûye, kareseta mezin ku 3 hezar jin û zarokên me yên mayî di destê DAIŞê de, û va dewleta terorîstên DAIŞê tê rûxandin jî û hîn çarenivîsa bi hezaran ji wan ne diyare?
Tiştê bûye kurê min ku piştî rizgarkirina Şingalê ji ber berjewendiyên siyasî û bazara li ser sere Êzidiyan, hîna êzidiyên Şingalê nikarin vegerên ser axa xwe. Tiştê bûyî kurê min ku beşek ji êzidiyan jî bi xwe têde beşdarbûn ku piştî bi hezaran qurbanî û piştî bi hezaran şehîd û dîl Şingal careke din ji himbêza Kurdistanê hatiye dûrkirin.
Tiştê bûye û gelek mezine kurê min ew e ku hejmarek xelkên êzidî di wê baweriyê de ne ku ew li dervî Kurdsitnê dê karibin xwedî rûmetek baştir bin, ew dê xwedî azadiyek baştir bin, tiştê herî xirab jî ku dibe kurê min ew e ku êzidî xwe bi neteweyek din ne kurd hesab dikin.
Erê kurê êzdîxan û kurdistanê, tiştek bi serê Şingalê nehatiye, lê tiştê herî mezin bi serê me û şingaliyan ve hatiye.
Gewîlan 28.02.2016 z – Têbînî: Di rojnameya EVRO de hejmar 2540 hatiye belavkirin.
Di encam de rojane nûçe derbarê zarok û jinên kurdên êzidî ku hêşta di destê DAIŞê de dîl mane û jinûve têne rizgar kirin belav dibin.
Di kurte vîdiyoyekê de tê ragihandin ku 11 zarokên Kurdên Êzidî ku li ser destê HSDê hatine rizgarkirin, dema ku rojnamevan çend pirsan ji wan zarokan dike, yek ji wan dibêje Ma Tiştek Bi Şingalê Hatiye?! Dengê jinekê tê ku ji wan re dibêje: Na tiştek bi Şingalê nehatiye û hemû li hêviya we ne…
Erê kurê min tiştek bi Şingalê nehatiye, lê tiştê bûye bi serê şingaliyan ve hatiye , Şingal li cihê xwe ye, Şingal wêran e, xanî, mal, gund û gundewarên Şingalê wêran û xabûrin kurê min.
Lê ez ji te re dibêjim Şingal silametî ye, nûavakirina xanî, şeqam û bazaran zor jê re navê, berî niha Duhok, Silêmanî û Hewlêr jî wêran û xabûr bibûn. Di çend mehan de hosteyên Şingalî Karin bajarekî nû avabikin. Xema vê nexwe kurê min.
Lê tiştê bi serê xelkê Şingalê ve hatiye, guherîna di bîr û bawriya Şingaliyan de bûye, kareseta mezin ku 3 hezar jin û zarokên me yên mayî di destê DAIŞê de, û va dewleta terorîstên DAIŞê tê rûxandin jî û hîn çarenivîsa bi hezaran ji wan ne diyare?
Tiştê bûye kurê min ku piştî rizgarkirina Şingalê ji ber berjewendiyên siyasî û bazara li ser sere Êzidiyan, hîna êzidiyên Şingalê nikarin vegerên ser axa xwe. Tiştê bûyî kurê min ku beşek ji êzidiyan jî bi xwe têde beşdarbûn ku piştî bi hezaran qurbanî û piştî bi hezaran şehîd û dîl Şingal careke din ji himbêza Kurdistanê hatiye dûrkirin.
Tiştê bûye û gelek mezine kurê min ew e ku hejmarek xelkên êzidî di wê baweriyê de ne ku ew li dervî Kurdsitnê dê karibin xwedî rûmetek baştir bin, ew dê xwedî azadiyek baştir bin, tiştê herî xirab jî ku dibe kurê min ew e ku êzidî xwe bi neteweyek din ne kurd hesab dikin.
Erê kurê êzdîxan û kurdistanê, tiştek bi serê Şingalê nehatiye, lê tiştê herî mezin bi serê me û şingaliyan ve hatiye.
Gewîlan 28.02.2016 z – Têbînî: Di rojnameya EVRO de hejmar 2540 hatiye belavkirin.
