Ez û Evînî

Ebdulletîf Sulêman

Bi
Dilek Sar û Pir Şikestî
Evîna xwe bi Gef min Werkirî
Di Êrmexanek pir Kûr û Dûr
Di Kêleka hove Dêwî de
Ber Ronahiya Şopa Kadizan
Li gel Têban bi Gazî û bi Kûrkûr
Ta Şiyar Bit ji Xewa Çavkoriyê
Hest û Ciwanîya xwe bi Nasî
Bes xwe bi bînî Bejin Lawaz û Hûr

* * * *
Qurtalbî ji Reşpêla Hevrikiyê
Ku li Ser Sebeta Hest û Hişî
Dêz dikî bê Dudilî Çirav û Kîl
Di Çîmena Pakî û Dilsoziya min
Bi Kêr û Keyberan li ser Dilî
Di Kolî Neqşê Dexesiya Qabîl
Ta li min Vegerî bi Xemlek Bûkanî
Ta bi Zanî ku Tenê Ez û ewin Dîdar
Kiwara Peyvên Qerûm , Xewnên Dîl
Morîka Mirîdîtiyê ji Guhan Derînî
Di Hembêza Gelî û Çiyayên xwe Rakevî
Ne Lêv Zerka Zêran bi Bî bi Kudik û Melîl
Ber Ciwan Bilûra Şivanê Hevheziyê
Sirûda Ey Reqîb û Ronahiya Tava Alê
Girêbidin Govendên Şahiyan bi Lîlelîl
Telihên Suhtî bi Arê Ne Liheviyê
Hêlînên Berdayî di Sefanên Pûş Rizî
Dê Nûjen bin , Liwan Vegerin Çira û Pîl
Nêrgizên Çiyayê Berojê wê Katedin
Zeytûnên Efrîna Delal Ber Xweşbin
Li Kobana Birîndar Vegerin Balîf û Metîl

* * * *

Çîrok û Dastanên Rustemê Zalî
Di Teng Demsazên Çavnebar de
Ne Xin Rêza Pêkenok û Serborên Behlîl
Hêj di Kavoliya me Çeqel û Koremar
Bi Çirevîsk û Xapin , Çima Kerban
Ji Hev Vedikin bo Rûreşiya Xelîl û Celîl
Qet Rim di Kiwaran Winda nabin
Avên Herikî Miraran di Qeraxa di Hêlin
Di Feraşê Dîrokê Reşkun dê bin Sorgeh û Mesîl
* * * *
Dê Her bi Kezîk û Guliyên Çar Beşên Dilî
Evîna Hêja ji Kûrbûnên ne Rewa Derînin
Dê Geşkin Dilê Pakrewanên Pêrew û Xetîr
Dê Kew Gozelan di Delavên Kurdewariyê
Têxin Rekihan bi Qebeqeb Deştan bi Hejînin
Ta Refên Dûrketî Vegerin, Vêl nemînin Gurz û Tîr
* * * *