(duhok – welatê me – taybet) Di roja 12-12-2012 li hola yekîtiya nivîskarên kurd tayê Dihokê çilrojiya wexerkirina helbestvan û nivîskarê nemir yê bakurê kurdistanê Arjen Arî hat çêkirin di destpêka vê rojê de nivîskar Beşîr mizorî xêrhatina mêvana kir û kurteyek ji jiyana helbestvan Arjen Arî û berhemên wî ji mêvana re pêşkêşkir, piştî wî re hêja mamoste Mehemd Ebdila gotina yekîtiya nivîskarên kurd tayê Dihokê xwend û behsa rola nemir Arjen Arî kir û têkiliyên wî bi helbestvan û nivîskarên rojava û başur kir û got ku nivîskar wê herdem di hiş û bîr û dilê miletê xwe û xwendevanê xwe de bijî û bimîne sax,
piştî wî serokê yekîtiya nivîskarê kurd Hesen Silêvanî helbestek diyarî giyanê helbestvan Arjen Arî kir , disa helbestvan Selam Balayî jî helbestek ji bu wexerkirina Arjen Arî xwend , piştî wîjî çend biroskên sersaxiyê hatin xwendin her weha çend helbestên Arjen
Arî bi dengê wî yên tomarkirî mêvana guhdarî lêkir li dumahîkê de kurte simînarek li ser berhemên Arjen Arî ji hêla hevalê wî helbestvan Brken Breh hat xwendin, û piştî wî helbestvan kalê Qurdîsî çend bîranînên xwe û Arjen gotin.
hêjayî gotinê ye ku malbata Arjen Arî biroskeke sipasiyê ji yekîtiya nivîserên Dihokê re rêkir û hate xwendin, her weha nama sersaxiyê ji nivîskarên rojava hat xwendin .
Şîrove (0)