Heybet Mamo
Çima yarê
şevger û şev çirayên te li palpiştên veşartokê
dipengizin
lat û hêrsên qedîfeyî ji zinarên baweriyê
Di ponijin
Deman, û dem li zeviyên gunehkaran bi rû nermî
Dirêjî ew kendalên rû
Li rêdana
Di axivin
Sexteyên do li kolanên şêwaziya;
diltenikî; destarên xwe
tawandikin,
bi guliyên Geft û goyên berze bilind xwe binav dikin
xunceyên dil di meşkande bi territî
nêçîrvaniyê Li dû dikin
tîşk û ronakbîrîyê ew nêçîr dikin
der bendeyên xil û xavî bi firmêskên peykerên xwe
pênasîna peymanên xwe diyardikin
telezgeyên bin pêçekên evîndara nakokiya
xane mêra bi werîsê pêximbera girêdidin
yekser li babelîska xwe qewal û şêx û keşeyan
bi şepêlên zîrekiyê Navkildikin
