Malpera nivîskarê Kurd Rezoyê Osê

  Di salvegera yekemîn a koçkirina nivîskarê kurd Rezoyê Osê de, ji bilî dewlemendiya giyanê wî, dilsojiya pênûsa wî, pîrozmendiya ximava wî û westana wî ya ku li ser eniya peyv û derbirîna kurmanciyê diçurise, em ji bilî wan tiştekî din hêjayî êşbariya bîranînê û hêjayî naveroka hezkirina xwe nabînin.
Lewra em malpera taybet a Rezoyê Osê, hem diyarî giyanê wî yê nemir û hem jî pêşkêşî cîhana wêje, çand û kelepûra kurdî dikin.

Her wisa banga me ji bo hemî dost û heval û xwendevanên kurdiyê jî ew e ku, hemî nivîs, wêne, bîranîn û hemî babetên ku bi Rezoyê Osê ve girêdayî bin; ji me re bişînin da ku em jî wan di malpera wî de bi cih bikin.
 
Bila serê malbatê, serê dost û hevalan, serê miletê kurd sax be!
 
Li ser navê heval û dostên Rezoyê Osê:
Zagrosê Haco
Ehmedê Huseynî
 
www.rezoyeose.com
rezo@rezoyeose.com