Brahîm Kêvo: Asmanek ruhnî kir û çira pênc zimanan bi stranên xwe vêxist

Salon ji çepikan vêket, bi Siyamendo û ez Xelef im re nalîn û şûr li ba kir.
Îşev 28.05.2010an li bajarê Alain – Îmarta Erebî- ahenga hunermend Brahîm Kêvo û hunermend Omer Beşîr bû.
Brahîm Kêvo: Hunermendê rûmet bilind û dengê hunera resen.
Bi erebiya Mêrdînê dest bi stranê kir, du stran bi aşûrî, du stran bi kurdî, du stran bi ermenî, du stran bi siryanî û du stran bi erebiya koçerî ya herêma Cezîra Sûrî, dilê amadebûyan geş kir, coşa dilan û çepik tevlîhev bûn.

Movika diwem ji ahengê, hunermendê Îraqî Omer Beşîr kurê hunermend Munîr Beşîr, muzîkjen û sazbendê Ûdê, gelek movikên mûzîka bilind ji meqamatên îraqî bi serkeftin pêşkêş kir.
Dikarim bibêjim bi hemî çêj û wateyên hunerê şeveke hunerî bû.

Hêjayî gotinê ye, birêz Şerîf Xeznedar birêvebirê Mala Çanda Cîhanî ( Maison des cultures du monde) ya ko cîgehê wê li Parîsê ye, aheng birêvebiriya wî bû û ewî bi xwe jî  pêşkêş kir.
Têbînî: Hunermenda Sûrî Weed Hesûn jî ji amadebûyan bû.