Li seyrangiha Henarê li nêzîk bajarê Hewlêrê, û li ser vexwendineke fermî, Koma Arî ya huner û filkilorê kurdî beşdarî ya konsêrta hunermendê navdar “Ezîz Weysî” kir.konsêrt ji bal Yekîtî ya Lawanên Demokrata kurdistanê hat rêkxistin bi helkefta cejna newrozê û sersala nû ya kurdî, û têda hijmarek mezin ji kurdên her çar alîyên kurdistanê amadebûn.
Di despêkê de “koma Arî” bi siroda nîştimanî (Ey Reqîb) û bi çepkên bi hezaran kesên hazir derbasî ser texta şanoyê bû û çend nimayişên balkêş pêşkêşkirin ku bû cihê dilxweşî û dilşadîya amadebuyan.
Piştire sikirtêrê Yekîtî ya Lawanên Demokrata kurdistanê birêz (Omêd xoşnaw) di gutarekê de, tevî bi xêrhatin û pîrozbahî kirina newrozê û ser sala nû ya kurdî, balkişand ser komkujîya newroza (Reqe) ku têde hezên ewlekarîya Sûrî û cencewîdên ba`s êrişkirin ser kurdan û ev yek jî bû sedema şehîdbûna (2) ciwanên kurd û birîndarbûna bi dihan kes tevî girtina bi sedan kesên din jî, sikirtêrê Yekîtî ya Lawan sersaxî li malbata şehîdên newroza (Reqe) kir û hêvîya saxî û selametî ji bo birîndaran û azadî ji bo kesên girtî xwest.
Piştî gutara sikirtêrê Yekîtî ya Lawan, hunermendê navdar “Ezîz Weysî” hat ser şanoyê û bi dîlanên kulîlik û ciwanên Koma Arî, gurzek sitranên xwe pêşkêşkir û coş û xroşa kesên amade zêdetir kir.
Hêjayî gotinê ev konsêrt ji bal çend kenalên asmanî wek (Kurdistan tv, zagros, newroz) û çend kenalên navxweyî ve bi awayekî zindî hat weşandin.
Piştî gutara sikirtêrê Yekîtî ya Lawan, hunermendê navdar “Ezîz Weysî” hat ser şanoyê û bi dîlanên kulîlik û ciwanên Koma Arî, gurzek sitranên xwe pêşkêşkir û coş û xroşa kesên amade zêdetir kir.
Hêjayî gotinê ev konsêrt ji bal çend kenalên asmanî wek (Kurdistan tv, zagros, newroz) û çend kenalên navxweyî ve bi awayekî zindî hat weşandin.
Komîta ragihandinê ya
koma Arî ya huner û filkilorê kurdî
koma Arî ya huner û filkilorê kurdî
Şîrove (0)