Mizgîn Hesko
Bê guman….Ev çend meh derbasbûn û hîn korona ( Covid- 19 ) maye sawîreke pir giran, derdekî bê derman, vayroseke pir dijwar û jiyana mirovên ku li ser goka zemînê dijîn dorpêçkiriye.
Belê rojane û em bi çavên serê xwe dibînin û bi guhên xwe dibihîzin ku êdî dema berî korona yê….ne heman dema korona ye.
Herî zêde, medya cîhanê bi mijara koronayê ve mijûl e, ku êdî bê alîkariya me tevan ew weko Pandemî bê çare dimîne û weko fayroseke herî metirsîdar dikare jiyana pir ji me, ji kes û karên me, ji şêrîn û hezkiriyên me bi yek carê têk bibe.
radiweste û hejmara hilgirên vayrosê rojane û bi awayekî hişkere û
vekirî tîne zimên.
Niha jî…. û herî zêde mijara hatina pêla duyem
ji Covid- 19 tête holê û di piraniya guftûgoyan de , berpirsên dewletê û
pisporên vayrosan ( Virolog ) imkana lockdowna duyem jî dikin.
Ji
lewra û weko çareyeke lezgîn û di roja 05.09. 2020 – an wezîrê
tenduristiyê rêzdar Jens Spahn ji hemwelatiyên Alman xwest ku ew di
bihinvedana payîzê de ( Herbest freien ) û di bihinvedana serê salê û
cejna hezretê Issa ( Weihnachtsurlaub ) li Almaniya bimînin û
bihinvedana xwe li welatên xwe derbas bikin, ev ji ber ku hejmara
nexweşan û piştî bihinvedana havînê û vegera geştiyaran welat, mal û
karên xwe pir zêde bû.
Herweha dewleta Alman ragihand ku ji bo misogerkirina têstên lezgîn, hîn pêdivî bi nêzîkî şeş mehên din jî heye.
Hêjayî
gotinê ye ku her çendîn têst lezgîn bin û her çendîn hemwelatî alîkar
bin û xwe bi biryar û agahiyan ve girêbidin….dê derî hinekî li ber
parvebûna Sars-CoV-2-Vayros bêne girtin.
Li gorî Instîtuta (
Robert-Koch- Institut ( RKI ) ) beşê vayrosan jî,,,ev ê demê koronayê
dest bi belavbûna xwe kiriye, ji lewra RKI û rojane hejmara
vayroshilgiran, yên rehet jê û yê ku dibin qurbanî destnîşan dike…ev
hemû jî di medya Alman de bi awayekî raste, rast tête zelalkirin.
Li
vir divêt ku em tev vê yekê bizanibin û hayî jê hebin ku pir ji me
dikarin Vayrosê hilgirin û werbigirn , bê ku ti symbtom li me bêne
xuyakirin.
Bi wateya ku em dikarin bi Koronayê bikevin û jê rehet jî bibin bê ku haya me jê hebe.
Weko
ezmûn û li ber çavên bijîjkan …pir kes weha peyda bûn ku testên wan
posîtîv bûn…lê ew herî rehet yan symbtomên wan sivik bûn.
Ji xwe kesên weha bê guneh , bê ku li rewşa xwe hayedar bin…bêhtir dikarin jiyana hinên din bêxin metirsiyê de.
Ciyê
mixabiniyê ye, û wekî ku îro em bixwe bala xwe didinê ku piraniya
kurdên me ên li Ewropayê dimînin. ( Revenda kurd ) bi xemsariyeke bê
hempa li rastiya hebûna Vayrosê dinerin.
Pir ji kurdên me, xwe bi agahiyên pispor û berpirsên dewletan ve girênadin.
Wê
rojê û weko mînak em vê yekê tînin zimên , wê rojê xortekî ciwan û li
welat ji ber koronayê jiyana xwe ji dest da,,,,kes û karên wî…ên li
Almaniya holeke mezin kirê kirin û li wir şîna xwe li dar xistin,,,,em
kurd jî pir seyr û pir bi hin rewşt û adetan ve girêdayî ne û bê lome
be….edî me bihîst ku di roja şemî û yekşemê de hol ji behîdaran hatibû
dagirtin….!?
Me bixwe jî û bi riya telefonê û Facebookê
sersaxiya kes û karên xort kir, keçmama lawik tekez kir ku wan ji ber
şerm û fediyê şîna xwe li dar xistin.
Bê guman û dema bûyereke
weha bibe sedemê nexwesiya bi dehan ji xelkên me, mirina hinan ji wan,
êdî çima em ê bikevin bin faktera şermê….?
Tekez ev vedgere nezaniya me,,,,ne têgihişina me û ne xwendina me a rast ji bûyer û ji nûçeyan re.
Gelo çima em xwe hîn dispêrin sawîr û nervînan….?
Xwdanê
pak û dilovan ji me xwestiye ku em xwe û jiyana xe biparêzin…ev di
hemû pirtûkên pîroz de hatiye û weha piraniya ol û netew jî dibêjin.
Vayroseke weha dijwar ku hîn di warê Genitîk ne hatiye baş naskirin û analîze kirin.
Vayroseke ku hîn çare û derman jê re nehatiye dîtin…
Vayroseke nedîtber ku sînoran dibezîne û dikare bi riya hilma mirov parve bibe….
Vayroseke xweguhêr, ku sedemên vê guherîna berdewam hîn nehatine naskirin….
Vayroseke ku ta niha nêzîkî 900,000 hezar kes ji ber jiyana xwe ji dest dane.
Vayroseke pir xurt ku êrîşî pişika mirov dike, û li wir pir gur dibe….
Vayroseke ku lasê her mirovekî bi awayeke din, cuda dikare yan jî nikare li ber xwe bide
Vayroseke ku bi hezaran kes ji ber rastiya hebûna wê, derfetên karê xwe windakirine
Vayroseke
ku okonomiya cîhanê lawaz û qelskiriye û ta bi dewleteke herî hêzdar di
warê aborî de mîna Almaniya îro ji ber parvebûna wê hino, hino pişt
xwîz dibe.
Vayroseke ku weha bi mebest û di laboran de hatibe
çêkirin, yan ji xwezayê, ji jîngehê gihişibe ademîzadan û vê gavê ku ew
dijminatiya me tevan dike….
Çawa êdî em xwe jê naparêzin…..?
Çawa êdî em bi hişkî têgihiştî lê nenerin…?
Rezbera 2020 Almaniya.
