Helbest u Vidyo

Dilê jar


Alan Hemo

Li vî dilê ketî rikê
Jibîr nake naberde rê
Ax û nalîn her jê tê
Gilî û gazin nema bikêr tê

Dilê jar ax dilê jar

Dilê jar bi te ma hewar

Temnê çûyî neke bar
Derfet tê wekî her car
Bendebe wa tê bijmar

Dilê jar ax dilê jar
Dilê jar bi te ma hewar

Dilo bese jarî
Li jînê hiştim bê parî
Çendîn li min xemsarî
Dilerzim pela li darî

Dilê jar ax dilê jar
Dilê jar bi te ma hewar.

2018,12,1

Bibar

Bibar ser vî canê xembar
Bibar ser vî laşê birîndar
Kevî zer bûn dem man bê buhar
Carekê bibar.

Digrîn deşt, devî dikal
Rûtin dar, ba gulan dimal
Dimrin hêvî û hest dibin lal
De bese canê bide min pal
Carekê bibar.

Tînê li Tebaxê bişkîn
Ruvîna rokê vemrîn
Vî dilê zuha carkê vejîn
Bilbilê te me tenê bitewîn
Carekê bibar.

2019,2,23

Ev gotar bikêr bû?

Nêrîna te ji bo başkirina naverokê alîkar e

0% ji xwendevanan ev gotar ecibandin
(0 nirxandin)

Şîrove (0)

Şîroveya xwe binivîse

Nivîsên din

Konferansê «Kurdên Qefqasyayê»

Ebdûlazîz QasimÎro Mamosta Hejar Şamil li ser malpera xwe nûçeyek weşand li ser lidarxistina konferansekî pir girîng yên Kurdên Qefqasyayê bi înîsiyatîfeke…

”Pênûsa Nû” hejmara 108an

Hejmara 108 ya ‘’Pênûsa Nû’’, Hejmareke tijı̂ nivı̂s û berhemên cûrbecûrin. Hûn dikarin gelek berheman di warê; Gotar û Nerı̂n, Ziman, Dı̂rok,…