Koma Xanê ya folklorê kurdî û Newroza 2007 an

  Amadekirin: Mehmûd Badili

Koma Xanê ya folklore kurdî di newroza îsal newroza 2007 an de li devera Çolbistan herêma Dirbêsiyê, ya ku partiya çepê kurd li sûrî wê amade dike

bi rengekî berçav û xuya û bi şêweyekî eşkere bernameyên xwe çi bi kurdî û çi bi erebî ne tenê li ber destê miletê xwe lê belê li ber destê miltê ereb jî û hemû cemawerên amide bûbûn raxist, digel bernameyên koma Xanê herdem di her newrozê de pirr zengînin, lê îsal cuda bû ji her salê, ji her salê dîtir zengîntir bû, hemû êş û kul û derdê miletê kurd û miletê sûrî bi tevayî li şanoya xwe civandibû, hemû kêşe û xemgînîyên miletê kurd di rêya şano û stiran û reqs û samayan de weşandin, şano ya bêtirî her tiştî li ser westiya bûn, xemgînîyên millet tevde li ber desta raxistin û ji hemû alîyan siyasî, civakî û rewşenbîrî, rewşa siyasî û civakî yên sereke bûn, pirsgela zinara erebî û hejmartina awarte yên şofînist, pirsgelên azadî û demoqratîyê di welêt de, pirsgela bêparbûnê ji mafê netewî û fêrbûna zimanê zikmakî, raperîna 12 Avdarê 2004, pirsgela wekhevîyê di navbera jin û mêr de, pirsgela hezkirinê û rewşa keç û xortan digel êş û janên ku di vî warî de dibînin, lê pirsgela ya herî girink û berçav ku di her şanoyê de berz dibû pirsgela qatê feqîr ya jar û birçî, rewşa karker û çotkaran di welêt de, jiber ew bêtirî her kesî di hindirê welat de dilêş û birîndarin, barê êş û xemgînîya wan girantire ji yê her kesê dîtir, roj bi roj qatê hejar birçîdibin û feqîrdibin, lê yên zengîn zengîntir û dewlemendtir dibin.
beşê stiranan ne kêmî yê şanoyê bû, hemû stiranên welatparêzî û netewî û civakî û evînî pêşkêşbûn, li hember eva ha gişî dîlan û sema û lîrelîr bêtir geşdibû, her dîlanek kevaleke dîrokî ji folklorê kurdî berçav dikir, bîrweriya kurdî ji nû ve vedijand.
koma Xanê ya folklorê kurdî newroza 2007 an geş kir û dilê mirovên kurd û hemû cemawerên amade bûbûn pirr xweş kir.
Bijî newroz cejna netewî ya kurdî, bijî kurd û kurdistan, bijî koma Xanê ya folklorê kurdî .