Xelîl kaloRewşa meyî berçav ya vê dîmenê dide xuyakirin .ku naveroka me tersî bicmê meye û ti rola aqil di mezaxtina jiyanêde nîne .li ser hemû astên jiyanê û bi taybet rewşa siyasî ku kambaxe di vê qunaxê de.her kes xwe dide pêş û hemû ji hev re dibine kul û ser êş.car caran mirrov bê hiş û matmayî dibe dema ku li rewşa giştî tê meyzekirin .. ne siyasetmedarê me weke yê xelkê nê .ne rewşenbîr bi peyam û rêbaza xwe nûkirin û guhartin ne û ne di bîr û bala wan deye .tenê ezezî hakim û deshilate ser wicdan û mêjiyên wan li ser hisabê belengaziya gelê kurd û doza wîya rewa .
Dema ku em qilafet û terzên xwe dibînin. mirov texmên dike ku em dikarin tiştên başbikin ,lê di kar û kirinê de tiştê ku heyî jî em kambax dikin û pirê caran wêran dikin.mînaka herî berçav û di rojevê de .karê tevgera kurdî dike di van rojan de û ku cihê dax û fihêtiyê ye heta carna mirov li ba xelkê ji kurdîtiya xwe fedî dike . beramberî kar .bizav û fedekariya xelkê ji bo mavên xweyî jiyanê û bi taybet gelê sûrî di domana xebata soreşa azadiyê de, ku ev bû nêzîkî 15 mihan . roj bi roj ber bi pêşve diçe .berevajî me ku em hîna di nakûkî û keftelefta çanda berê de dijîn .û weke rêbaz û siyaset em bi kartînin .
Her yek ji me xweş dibêje .lê bi reşayî hizira xwe dike. û nikarê xwe ji ezezî û keleporê paşveçûnê rizgar bike ji ber sûd û berjewendyên xweyî cûr bicûr ku nakevine xizmeta berjewndiyên giştî de. bi vê çandê em gihiştine astekî xirab û serberdayetiyê ku dozên kurdewarî bo kesayetiya xwe bikar tîtin mîna bazirganan û ser gelê xwe qewadiya siyasî dikin .di bin nav û nîşanên bedew û kurdewarî de heta roja îro . niha cade û şeqama kurdan tê xemilandin bi van dîmenên bejin lal û tiral.
*lal…. guleke bedewe li çiyayê kurdan şîndibe
*tiral ….mirovê bê kar û berhem
11.6.2012
xkalo58@gmail.com
