Werin, em navdarê Kurd (Sadiq Behaelddîn Amêdî: 1918 – 1982), bibîr bînin

Konê Reş

Di rojek mina îro de (16.06.2015), berî 33 salan, navdarê Kurd seydayê Sadiq Behaelddîn Amêdî ji nav me koçkir.. Ew yek ji pêşeng û danerê bingeha rewşenbîriya kurdî a nûjen bû li herêma Badînan.. Wî, bi dehan pirtûkên bi zimanê kurdî û erebî li dor, ziman, dîrok û kultura kurdî berhevkirine.. Rola wî, di nav xelkên herêma Badînan de, wek rola seydayê Cegerxwîn bû di nav xelkên herêma Cizîrê de li sûriyê.. 

Seydayê Sadiq Behaelddîn Amêdî, mina enceyclopediakê ser du lingan bû, di warê ferheng û rewşenbîriya Kurdî a têvel de..

Bi vê helkeftinê, ez gurzek gul û kulîlk li ser gora wî dtînim. Yezdan wî bi dlovaniya xwe şad bike.