Konê Reş
Bi hatina 3ê vê gulanê/ 2018an re, 75 sal di ser weşana rojnameya (Roja Nû) re derbas dibe. Roja Nû, rojnameyeke hefteyî ya siyasî bi zimenê Kurdî û Fransî bû; xwedî û berpirsiyarê wê Mîr Dr. Kamîran Alî Bedrxan bû. Cih û warê çapa wê wek ku li ser hatiye nivîsandin: Libnan – Beyrût bû. 73 hejmar ji Roja Nû hatine çapkirin – di navbera sala 1943an û sala 1946an de. Hejmara pêşî (1) ji vê rojnameya bedew di 3ê gulana 1943an de hatiye weşandin, hejmara dawîn (73) di 27ê gulana 1946an de hatiye weşandin. Ji bo zelalkirinê hejmara (72)an di 13ê gulana 1946an de bi Kurdî tenê hatiye weşandin.
Dengbêjên kurd, yên ku li gotinên stranên kurdî yên orjînal bigerin, wê wan, di nav rûpelên rojnameya Roja Nû de bibînin.. Gelek ji gotinên wan stranan têde hatine weşandin..
Bi vê helkeftinê bi min xweş e ku ez vê pîroznameya Seydayê Cegerxwîn, ji Mîr Dr. Kamîran Bedirxan re ji we re raxînim ber çavan:
(Mîrê mezinê mêran, xortê xurt zanayê Kurd Dr. Kamîran Alî Bedir-Xan! Hevalo! Di van rojan de Roja Nû, weke rojeke geş, tav û tîrêjên wê dane dîwarê me jî yê xortan. Çirûsk û ronahiya wê, leylana paşketin û bêhêviyê, ji ser dilê ciwanên kurdan hildane. Kela jiyana welêt ji kela mirinê gîhande delavê serbestiyê. Bûka xweşxwan û nivîsaran xemiland bi qumaşê evîn û zanistiyê. Pira nejadperestî bi topên baweriyê daweziran û di tangê dilxwşiyê de afirand. Ji wî riya wa a dûr bi hezaran kîlomêtir şose kir û derê bajarê armanca me, li me vekir. Xwedê te û roja te bi rûkî spî û jineke dirêj ji kurdan re bihêle. Ji ber xortan ve, roja te pîroz be).
CEGERXWÎN
Roja Nû, hejmara 10, roja 5ê tîrmehê sala 1043an.
Bi vê helkeftinê bi min xweş e ku ez vê pîroznameya Seydayê Cegerxwîn, ji Mîr Dr. Kamîran Bedirxan re ji we re raxînim ber çavan:
(Mîrê mezinê mêran, xortê xurt zanayê Kurd Dr. Kamîran Alî Bedir-Xan! Hevalo! Di van rojan de Roja Nû, weke rojeke geş, tav û tîrêjên wê dane dîwarê me jî yê xortan. Çirûsk û ronahiya wê, leylana paşketin û bêhêviyê, ji ser dilê ciwanên kurdan hildane. Kela jiyana welêt ji kela mirinê gîhande delavê serbestiyê. Bûka xweşxwan û nivîsaran xemiland bi qumaşê evîn û zanistiyê. Pira nejadperestî bi topên baweriyê daweziran û di tangê dilxwşiyê de afirand. Ji wî riya wa a dûr bi hezaran kîlomêtir şose kir û derê bajarê armanca me, li me vekir. Xwedê te û roja te bi rûkî spî û jineke dirêj ji kurdan re bihêle. Ji ber xortan ve, roja te pîroz be).
CEGERXWÎN
Roja Nû, hejmara 10, roja 5ê tîrmehê sala 1043an.
Qamişlo, 3/5/2018
