Merwan BerekatBelê vê carê jî Encûmena Niştimanî ya Kurdî çalmîş gav kir, û nemaze piştî ku endamên xwe yên lêvegera sîyasî bi nav kirin. Ji ber wê jî, ji çar alî de tîrkevanên nerazîbûnê piraniya Kurdan dirêjî wê bûn.
Li vir li wir, hin berpirsiyarên Encûmenê, çi li ser ekranan û çi jî di malperan de, hewildan kirin, ku berevaniyê ji ber wê kulekî û çalmîşiyê de bikin, lê wek her kesek dizane, bervaniya di ber şaşitiyê de, ew şaşîtî bixwe ye.
Wekî em dizanin berxwedana Kobaniyê doza Rojavayê Kurdistan, ne tenê Kurd li seranserî Kurdistanê rakirin ser pêyan, lê belê wê doza Kurdî daniye ser maseya piraniya dewletên cîhanê, ango wê sînor, derya û gewrederya derbas kirin, û navê Kobaniyê li ser zimanê mezintirîn kesên siyasî hate bilêvkirin hevkarî û piştevaniya ji wê re kirin. Lê mixabin Kobaniya pêdar nikanîbû tenê sînorê Encûmena Niştimanî ya Kurdî derbas bikira ??!! Bêguman barê Kobaniyê giran e, belkî Encûmen ne di asta wî barî de ye, wê ûştê Kobanê hate dûrxistin?!! Efrîn jî hate ji bîrkirin. Ew tev li alîkî, lê pirseke giran.. giran xwe davêje meydanê. Ma gelo çêdibe tevgereke, ku temenê wê yê sîyasî zêdetirî pêncê salî ye, ew nîvê civaka xwe ji kar û xebatê dûrxîne…?? Û ji wê xirabtir, ji berpirsiyarekî partiyekê tê pirsîn: Çima nûnertiya jinê di Lêvegera Siyasî de nîne? Dibêje: Ew ne gunehê Encûmenê ye, ji ber ku Jinê doza mafê xwe nekiriye, loma ew di Lêvegera Siyasî de bêpar ma ye !!!!????
Şaşîtiyek; ne wek didiyan e, hêvî ew e, ku karên Encûmenê yên paşerojê jî, ne kulek û çalmîş bin, ji ber ku kulek zûtirîn diwestin û li nîvê rê dimînin. Lê belê çalmîş her di cihê xwe de dimînin û tenê qarewara wan tê, lê karwan ranawest e.
