Konê ReşHawar e hawar.. Xwîn nabe av.. Ku em nebin yek û birayên xwe Êzidiyên Şimgalê ne parêzin, em ê herin av û av.. Mane pêşiyan gotiye: Xwîn nabe av
Êzidî; Kurdên herî kevnar in.. Ola wan ji olên herî kevnar e di dinyayê de, olek çiyayî ye. Ev ol li ser bingehê bûyerên xweristî hatiye ava kirin û kok û rehên xwe ji bîr û baweriyên xelkên herî kevnar wek Hindiyan, Hindoewropiyan û xelkên Mezopotamiya distîne.
Hem jî gelek bîr û baweriyên şaristaniyên kevin wek Someriyan, Babiliyan Aşûriyan û Mîdiyan bi xwe ve girtiye û hilaniye.. Erê ola kurdên Êzidî oleke çiyayî ye, oleke şuristî ye, oleke aşitîxwazane ye.
Ta roja îro Kurdên Êzidî bi ziman, irf û adetên xwe kurdewariyeke herî resen dimeşînin; nimêj, îbadet û duayên wan bi zimanê kurdî ne. Di baweriya min de ta ku ola wan a Êzidiyetiyê hebe, wê zimanê kurdî hebe.. Parastina vê olê, xelkên vê olê parastina ziman û hebûna gelê Kurdî ye.
Ta roja îro Kurdên Êzidî bi ziman, irf û adetên xwe kurdewariyeke herî resen dimeşînin; nimêj, îbadet û duayên wan bi zimanê kurdî ne. Di baweriya min de ta ku ola wan a Êzidiyetiyê hebe, wê zimanê kurdî hebe.. Parastina vê olê, xelkên vê olê parastina ziman û hebûna gelê Kurdî ye.
Melayê Cizîrî di pesnê wan de wiha gotiye:
Dil geşte min ji Dêrê,
naçim Kenîşteyê qet
Mihraba wê bi min re,
wer da em biçne Laliş..
Dil geşte min ji Dêrê,
naçim Kenîşteyê qet
Mihraba wê bi min re,
wer da em biçne Laliş..
Sed mixabin u sed hawar ku îro Şingal û Zumar li ber talanê ne.. Hawar e hawar.. Xwîn nabe av, ku Şimgal rizgar nebe em ê herin av û av..
Konê Reş, 04.08.2014
Şîrove (0)