Şevger
Sinig gokin şimamokin xud paşilê de nagirin
Ku dimeşê tev dihejê awrê çavan tîr û berin
wê nazikê wê rindikê bi wê bejna gelek zirav
Bi wî kenî min şêt dikê dema awir da min ji çav..
Sing sipîye j,berfa çîya wekû pelê vê defterê
Her kes divê dest nakevê ku bihnikê lê binerê
Suhbet xweşe tim rûgeşe wek rîhana li pencerê
Bi heneka nazya dike sewdan û hiş bir ji serî
serxweşkirin bê mey canê, wek sergêjê li meyxanê
j,Yek nerînê dilrevînê wê hişyarkir dilê mirî…
Subhan ji xudêre subhan pir bedewe bê qisûre
çav wekû çavê xezalan rûçkên rû gula sore
Ku dikenê dil dijenê deng dibê awazek xweş
Bêjim kinê mala minê evîna te li min zorre …
Ji nû singên te tevbidim bi van desta bi van lepa
Lêvên nazik ez bi mijim rû bidim ber gez û gepa
çi bixwazim ne bêje na hema îşev min serbestke
Ji serî heya binê ling bila xêra bavê te be ……
Festîvala Gäavle 10.8.2007
———-
Tew Lo Dilo
Sevger
Tew lo dilo tew lo dilo
Qeda bikevê jiyana wilo
Milet hemi tev rizgarbûn
em kurd btenê manawilo ..
Demek dirêj ez dûr bûme
ji warê xwexerîb bûme
Bi ciwanî ez pîr bûme
Tew lo dilo tew lo dilo ..
Warê xelkê jmer nabê war
jev dûr bûne manabê çar
Me pir kişand zilma neyar
Tew lo dilo tew lo dilo.
Ez li virim u ne li virim
Rojê sed car ez dimirim
Kengî l,qamişlo vegerim
Tew lo dilo tew lo dilo
Kengî l,warê xwevegerim
Tew lo dilo tew lo dilo..
1995
