Konê Reş
Sibe ku ez berê xwe bidim oxirê,
Ezê te bi xwe re di gelek balafirgehan re
Derbas bikim..
Te ji ber çavê çeteyan
Veşêrim..
Bitirsim ku te ji min bidizin..!
Tu jî baş,
Xwe di nav damarên dilê min de
Veşêre..
Dil mezin e û cih fireh e.
Qamişlo!
Ez xweş serwextî dîroka te me;
Gelek kerwan di rêkên te re
Derbas bûne..
Lê her deşta Hesinan, deşta Sinceqê, Beriya Mêrdînê,
Çiyayê Bagokê, Kepezê Kîkan û Kewkebê Milan,
Wek xwe Kurd mane..
Erê.. Her wek xwe Kurd mane..
Şîrove (0)