XEMGÎNÊ REMOAvdarê …
Dîsa wekî her car
Te kezî û biskên xwe
Li destpêka buharê
Vekirin
Û pora xwe
Bi xwîna çend hevendan
Şiştin …
Te dîsa dil û cergê
Çend dayîkan biriştin …?
Kolanên qamişlo
Bi avê nayêne şiştin
Şaredarî lê razayîye
Tenê nêçîrvanên tarîyê hişyarin
Û dem dîsa
Dema nêçîra kewaye …
Di şevên newrozan de
Gulên ji xwînê diişkivin
Û govendî yên me
Li van kolanan
Ji hilm û bihnê serxweşin
Dilgirtî yên newrozêne
Û newroz
Bi xwîna wan serê xwe dişo…
Bi avê nayêne şiştin
Şaredarî lê razayîye
Tenê nêçîrvanên tarîyê hişyarin
Û dem dîsa
Dema nêçîra kewaye …
Di şevên newrozan de
Gulên ji xwînê diişkivin
Û govendî yên me
Li van kolanan
Ji hilm û bihnê serxweşin
Dilgirtî yên newrozêne
Û newroz
Bi xwîna wan serê xwe dişo…
Erê newrozê …
Keça ciwan
Te çima nehişt
Ev bazana bi te şabin ..?
Tu dizanî ku yekî ji wan
Tacek ji morîkên
Kesk û sor ê zer ristibû
Wê diyarî daba serê te …
Yê din kiras û xiftanek
Ji kulîlkên rengîn amade kiribû
Ku bi ser bejin û bala tede
Berda …
Yekî jî
Dilê xwe kiribû gerdenî
Wê bi gerdena te vekra …
Erê newrozê …
Gula ciwan
Hîn jî dawîya karwan
Ji êşa birînên xwe
Bi ser tede dinalin ….
Wax ..wax …!!
Ji vê ahenga di şevê de …
Li van berbûyên di nîva rê de
Li vê bûka di paş perdê de
Bi rohilat re
Berbûyên me
Belav dibin li çol û beyara …
Û bûka me
Zû bi zû destê xwe
Nade wan
Qelenê xwe destine
Li hemî avdara ….
22 / 3 / 2008 /
