Pirtûkek nû ji aliyê helbestvanê navdar û gewre Birahîm Mela Qasim vehatiye çapkirin bi navê ciwankariya helbesta kurdî (lêkolîn).di vê pirtûkê de
lêkolînek kûr û berfereh li ser pêlewaz û sazbendkirina helbesta kilasîkî ya kurdî
kiriye û bingihên her pêlewazekê ku ji çend movikan tê avakirin li gel
kîtekirina wê û çend bir tê de hene û li ser barê (qafiye)jî baş rawesta ye û
şirovekirina her pêlewazekê bi çend minakan ji helbestên helbestvanên kilasîkî
yên navdar wek: Cizîrî , Ehmedê xanî , feqhê teyra , Cigerxwîn , Tîrêj û yên
din zengîn kiriye .
Ev pirtûk cihê şanazî û serkeftinê ye him ji bo zimanê kurdî û zengînkirina pirtûkxana kurdî û him ji bo çi helbestvanekî kurd ku xwe di warê helbesta kilasîkî de dibîne pêwîste ku vê pirtûkê bixwîne û sûdê jê bigire him di aliyê zazbendiyê de û him di aliyê pêlewazkirinê de ji bo tu arîş û astengî li ba wî ne mînin da ku karibe helbestên xweştir û naziktir bihûne .
Ji ber vê yekê ez ji dil û can pîrozbahiya heval û birayê min î hêja helbestvan Birahîm Mela Qasim dikim ji bo vê pirtûka wî ya nû li gel serkeftin û pêşketinê û li gel daxwaza pêşketinê ji bo her helbestvanekî kurd .
Lazgîn dêrûnî 23.6.2017 Swîsra
