Merwan
Berekat
Berekat
Hembêza siruştê
Mişt e ji hilma gulan
Govend û semaya xweşhilmê
Ji paşela deşt û newalan
Kulîlk mest in
Ji bihin û xunavê
Ji xwe xweştir e.. ezman
Gerden bi keskesor
Û rîşiyên baranê
Sibehên dêmliken
Keçane û awirnaz in
pertavên rojê
Şad, dîn û mest in
Pêlvedana ramûsanan
Ger nêrgiz ji qurnefîlê
Gger beybûn ji bûkmezavê
Û ger lale ji zinaran
Di guhên çiyan de
Bîst û yek saz in
Ne tenê hechecok û bibil
Ba û baweşîn xweş awaz in
Di dêmên kanî û çeman de
Kenê zelal bi pêl e
Semaya şaxên daran
Ramûsana lêvên peravan
Li rebezên dêmşermok
Ne tenê geşdîmen
Bi bihuştê re dibêjin wêde
Xemil û pêlvedana rengan
Seyrana ferişteyan
Ne li `Eden û Firdewsê
Îro Newroz e… Newroz
Şahîvejîna Kurdistanê…..
Şîrove (0)