Ji nû ji aliyê weşanxaneya (Na) li Tirkiyeyê yekemîn berhema Kurteçîrokan ya nivîskara kurd Nûjîn Qido bi navê “Sê Rojên Mê” derket. Berhem di 80 rûpelan ji sê kurteçîrokan pêk dihêt. Tablu û designa pergehê karê Mîran Ehmed e.
Qido di daxuyaniyeke taybet de di derbarê berhemedê got: “Şê Rojên Mê balê dikişîne ser êş û azarên jina rojhilatî ya kurd di nava nakokiyên şer û rûxandinên mezin de”.
Li vê yekê Qido zêde kir ku berhem xwe dispêre bûyerine rasteqîn di 2018`an di derbarê sê jinên bi temenên cuda de li bakurê Sûriyeyê. Peyama berhemê ev e, ku neheqiyên civakê li hember jinê bi hemû alavan dihîne ziman. Ev yek tevî hemî hewldanên civakên îro ku bi awayekî şaristanî xwe bihînin holê.
Nûjîn Qido, 1996, nivîskareke kurd e, ji Efrînê ye, li Şamê jiday bûye û li Almanyayê dijî. Wê wêjeya Erebî li zanîngeha Helebê xwendiye, lê ji ber şert û mercên şer xwendina xwe neqedandiye. Ji weşanxaneya Biblomanya romana wê ya bi zimanê erebî bi navê “Telek li ser Milê Fata Morgana” jî hatiye weşandin.
