Di êvara roja Şemiyê / 4 / 11 / 2023an de Rêxistina Helebê ya “Partiya Demoqrat a Pêşverû ya Kurd li Sûriyê” hevdîtinek rêzanî li Parêzgeha Helebê – Taxa Şêx meqsûd li darxist.Di hevdîtinê de hejmarek ji partiyên siyasî û komeleyên rewşenbîrî , civakî û xizmetgûzarî , herwiha hejmarek ji kesayetiyên welatparêz û niştimanperwer beşdar bûn.
Di destpêkê de heval Hişmend Şêxo Endamê Komîta Navendî ya partiya me xêrhatina şandên partiyên siyasî , kesayetiyên welatparêz û tevahî beşdaran kir. Hevdîtinê bi xulekek bêdeng li ser giyanê mamoste Ebdilhemîd Derwîş û hemû Pakrewanên Kurdistan û Sûriyê dest bi karê xwe kir ,
û piştre mamoste Ehmed Silêman Endamê desteya rêvebir di nivîsgeha rêzanî ya partiya me de dest bi rêvebirina wê hevdîtinê kir û bi dirêjahî li rewşa Sûrî û rewşa kurdî şirove kir û li ser rawestiya , herwiha daxwaz kir ku hêzên siyasî yên Sûrî bi rola xwe rabin û lêgerînên pêwîst bikin da ku bighên diyalogek Sûrî – Sûrî ji ber ku asoyên çareseriyê yên navdewletî hatiye xetimandin bi sedema tunebûna tu lihevkirineke navdewletî di derbarê çareseriya qeyrana Sûrî de , û herwiha balkişand ser rola neyênî yên hêzên herêmî û destwerdanên wan di mijara Sûrî de.
Di dawiyê de hevalê Ehmed bersiva pirsên beşdaran kir û heval Hişmend Şêxo spasiya beşdaran kir û hevdîtin bi dawî kir.
Di dawiyê de hevalê Ehmed bersiva pirsên beşdaran kir û heval Hişmend Şêxo spasiya beşdaran kir û hevdîtin bi dawî kir.
5 / 11 / 2023 Z – 2635 K
Rêxistina Helebê ya
Partiya Demoqrat a Pêşverû ya Kurd li Sûriyê
Şîrove (0)