Rêxistina Helebê ya «Partiya Pêşverû» civîna xwe ya rêxistinî li darxist

Di dîroka / 25 / 8 / 2023an de Rêxistina Helebê ya partiya me “Partiya Demoqrat a Pêşverû ya Kurd li Sûriyê” civîna xwe ya rêxistinî li darxist.
Civînê bi xulekek bê deng li ser giyanê sekreterê partiya me mamoste Ebdilhemîd Derwîş û hevalên damezrêner û hemû pakrewanên Kurdistan û Sûriyê dest bi karê xwe kir.
 Di destpêkê de heval Xalîde Silêman bixêrhatina hevalan kir û tekez kir li ser girîngiya li darxistina civîn û semînerên rêxistinî di vê dema hestiyar de ji dîroka gelê me û tevgera wî ya rêzanî.

Piştre Mamoste Hişmend Şêxo endamê komîta navendî ya partiya me di
axavtina xwe de rewşa rêzanî li herêmên kurdî û pêşhatên ku vê dawiyê di
meydana Sûrî de çêbûne ji hevalan re şirove kir û tekez kir li ser
helwesta partiyê di derbarê peydakirina çareseriyekê ji qeyrana Sûrî re
bi rêya diyalogek Sûrî – Sûrî ku hemû pirsgirêkên niştimanî werin
çareserkirin û di destpêka wê de doza kurdî ji ber ku dozeke Niştimanî
Sûrî ye.

 Civînê balkişand ser rewşa aborî ya dijawar a ku sûrî jiyan dikin û bandorên wê yên metirsîdar di pêşeroja welêt de.
Herwiha hevalan di civînê de bi dirêjahî çawaniya vegera gelê me li Herêma Efrînê gotûbêj kirin.
Di dawiyê de civînê tekez kir li ser girîngiya pêşxistina karê rêxistinî û ragihandinî di xebata partîzanî de.

26 / 8 / 2023Z – 2635K

Rêxistina Helebê ya
Partiya Demoqrat a Pêşverû ya Kurd li Sûriyê